ஐசிசி தரவரிசையில் ஷுப்மன் கில் முதலிடம்!

ஐசிசி ஒருநாள் பேட்டிங் தரவரிசையில் இந்தியாவைச் சேர்ந்த ஷுப்மன் கில் முதலிடம் பிடித்துள்ளார்.

25 வயதாகும் ஷுப்மன் கில் பாகிஸ்தானின் முன்னாள் கேப்டன் பாபர் அசாமை பின்னுக்குத் தள்ளி முதலிடம் பிடித்துள்ளார். இங்கிலாந்துக்கு எதிரான தொடரில் தொடர் நாயகன் விருதுபெற்றதால் ஷுப்மன் கில் ஐசிசி தரவரிசையில் முன்னிலை பெற்றுள்ளார்.

சமபியன்ஸ் டிராபி போட்டிகள் இன்று முதல் (பிப்.19) பாகிஸ்தானில் தொடங்கின. இந்தியாவுக்கான போட்டிகள் துபையில் நடைபெறுகின்றன. இந்தியாவின் முதல் போட்டி நாளை (பிப்.20) தொடங்குகின்றன. ஐசிசி தரவரிசையில் டாப் 10இல் 4 இந்தியர்கள் இடம் பிடித்துள்ளார்கள். இதனால் ஒருநாள் போட்டிகளில் இந்திய அணி ஆதிக்கம் செலுத்தும் அணியாக இருக்கிறது. இதே ஃபார்மை தொடர்ந்தால் இந்திய அணி நிச்சயமாக சாம்பியன்ஸ் டிராபியை வெல்லும் என்று எதிர்பார்க்கப்படுகிறது.

ஐசிசி ஒருநாள் பேட்டர்கள் தரவரிசை

1. ஷுப்மன் கில் - 796 புள்ளிகள் (இந்தியா)

2. பாபர் அசாம் - 773 புள்ளிகள்

3. ரோஹித் சர்மா - 761 புள்ளிகள் (இந்தியா)

4. ஹென்ரிச் கிளாசன் - 756 புள்ளிகள்

5. டேரில் மிட்செல் - 740 புள்ளிகள்

6. விராட் கோலி - 721 புள்ளிகள் (இந்தியா)

7. ஹாரி டெக்டர் - 716 புள்ளிகள்

8. சரிதா அசலங்கா - 696 புள்ளிகள்

9. ஸ்ரேயாஸ் ஐயர் - 679 புள்ளிகள் (இந்தியா)

10. ஷாய் ஹோப் - 672 புள்ளிகள்