லோகேஷ் கனகராஜ் இயக்கத்தில் ரஜினிகாந்த்: சன் பிக்சர்ஸ் நிறுவனம் அறிவிப்பு!

லோகேஷ் கனகராஜ் இயக்கத்தில் ரஜினிகாந்த் நடிக்கவிருக்கும் படம் குறித்த அறிவிப்பை சன் பிக்சர்ஸ் வெளியிட்டிருக்கிறது.

நடிகர் ரஜினிகாந்த்தின் 170வது படம் குறித்த பல தகவல்கள் அவ்வப்போது வெளியாகி வரும் நிலையில், 171வது படம் குறித்த உறுதியான தகவல்கள் இன்று வெளியாகியிருக்கிறது. லோகேஷ் கனகராஜ் இயக்கத்தில், நடிகர் ரஜினிகாந்த் நடிக்கவிருக்கும் 171வது படம் குறித்த அதிகாரப்பூர்வ அறிவிப்பை சன் பிக்சர்ஸ் இன்று தனது சமூக வலைத்தளப் பக்கத்தில் வெளியிட்டிருக்கிறது.

சன் பிக்சர்ஸ் நிறுவனம் வெளியிட்டிருக்கும் அறிவிப்பில், "சூப்பர் ஸ்டார் ரஜினிகாந்த் நடிப்பில் வெளியாகவிருக்கும் 171வது பட அறிவிப்பை வெளியிடுவதில் பெரும் மகிழ்ச்சி. இப்படத்தை எழுதி இயக்குபவர் லோகேஷ் கனகராஜ். தலைவரின் 171வது படத்துக்கு இசையமைப்பாளர் அனிருத் இசையமைக்கவிருக்கிறார். ஜெயிலர் படத்தின் பிரம்மாண்ட வெற்றியைத் தொடர்ந்து நடிகர் ரஜினிகாந்த்துடன் சன்பிக்சர்ஸ் மீண்டும் இணையவிருப்பது குறிப்பிடத்தக்கது.