» செய்திகள் - விளையாட்டு » இந்தியா
கேஜரிவால் வீட்டில் ஸ்வாதி மாலிவால் தாக்கப்பட்ட விவகாரம்: வீடியோ வெளியிட்ட ஆம் ஆத்மி!
வெள்ளி 17, மே 2024 5:32:44 PM (IST)
டெல்லி முதல்வர் அரவிந்த் கேஜரிவால் வீட்டில், ஆம் ஆத்மி எம்.பி. ஸ்வாதி மாலிவால் தாக்கப்பட்ட விவகாரத்தில் ஆம் ஆத்மி கட்சி புதிய வீடியோ ஒன்றை எக்ஸ் பக்கத்தில் பகிர்ந்துள்ளது.
ஆம் ஆத்மி எம்.பி. ஸ்வாதி தாக்கப்படுவதற்கு முன்பாக எடுக்கப்பட்ட விடியோ என தெரிவிக்கப்படும் இதன் உண்மைத்தன்மை உறுதி செய்யப்படவில்லை. விடியோவில் ஸ்வாதி மாலிவால் முதல்வரின் பணியாளர்களுடன் வாக்குவாதத்தில் ஈடுபடுவது கேட்கிறது. தன்னை டிசிபி மற்றும் சிவில் காவல் அதிகாரியிடம் பேசவிடுமாறு அவர்களிடம் ஸ்வாதி கேட்டுள்ளார்.
மேலும், அவர் ஏற்கெனவே காவலர்களுடன் பேசியதாக சொல்வதாகவும் பின்னர் பணியாளர்களில் ஒருவரை வேலை விட்டு நீக்குவதை தான் காண்பேன் என சொல்வதும் அந்த விடியோவில் கேட்கிறது.இதனை பகிர்ந்துள்ள ஆம் ஆத்மி, ஸ்வாதி மாலிவாலின் உண்மைமுகம் என பதிவிட்டுள்ளது. ஆம் ஆத்மி கட்சி இந்த விவகாரத்தில் தனது கட்சியின் எம்.பிக்கு எதிராக முதல்வரின் பணியாளரை ஆதரிப்பதுபோல பதிவிட்டுள்ளதாக விமர்சிக்கப்படுகிறது.
இந்த விடியோ பகிரப்பட்டது தொடர்பாக ஸ்வாதி மாலிவால் தனது எக்ஸ் பக்கத்தில், "எப்போதும் போல அரசியல் ரெளடி தன்னை காத்துக்கொள்ள எல்லா முயற்சிகளையும் மேற்கொள்கிறார். அவரது ஆள்கள் மூலம் டிவிட் பதிவிடுவதும் எந்தவித பொருளுமற்ற விடியோவை பகிர்வதன் மூலமும் தான் செய்த குற்ற செயல்களில் இருந்து தன்னை காத்துக்கொள்ள முடியும் என நினைக்கிறார். ஒருவர் தாக்கப்படும்போது யார் விடியோ எடுத்தது?
வீடு மற்றும் அறையின் சிசிடிவி காட்சிகளை சோதனை செய்தாலே உண்மை தெரியவரும். எந்த எல்லை வரை செல்ல முடியுமோ செல்லுங்கள், கடவுள் எல்லாவற்றையும் பார்த்துகொண்டிருக்கிறார். உலகத்தின்முன் ஒரு நாள் உண்மை வெளியே வரும்” என பதிவிட்டுள்ளார். இந்த விவகாரம் தொடர்பாக டெல்லி காவல்துறை, முதல்வரின் வீட்டில் சோதனை செய்யவுள்ளதாக தகவல்கள் தெரிவிக்கின்றன.
மக்கள் கருத்து
மேலும் தொடரும் செய்திகள்
பாலியல் வன்கொடுமையால் பாதிக்கப்பட்டவரின் கருவைக் கலைக்க காலக்கெடு தேவையில்லை!
வியாழன் 30, ஏப்ரல் 2026 4:46:58 PM (IST)
ஆதார் சிஸ்டத்தில் ஊடுருவல்: ஏஐ பயன்படுத்தி தொழிலதிபரை ஏமாற்றிய கும்பல் சிக்கியது!
வியாழன் 30, ஏப்ரல் 2026 4:42:55 PM (IST)
உதயநிதி ஸ்டாலினுக்கு எதிரான நீதிமன்ற அவமதிப்பு மனுக்கள் தள்ளுபடி: உச்ச நீதிமன்றம் தீர்ப்பு
புதன் 29, ஏப்ரல் 2026 5:09:27 PM (IST)
தமிழ்நாடு, கேரளா உட்பட 5 மாநிலத் தேர்தல்களில் பாஜக வெற்றி பெறும்: பிரதமர் மோடி நம்பிக்கை!
புதன் 29, ஏப்ரல் 2026 4:49:22 PM (IST)
துருக்கியில் பதுங்கியிருந்த போதைப்பாொருள் கடத்தல் மன்னன் கைது: இந்தியாவுக்கு நாடு கடத்தல்!
புதன் 29, ஏப்ரல் 2026 11:49:58 AM (IST)
மேற்கு வங்கத்தில் இறுதிக்கட்டத் தேர்தல் விறுவிறுப்பு – காலை 9 மணி வரை 18.39% வாக்குகள் பதிவு!
புதன் 29, ஏப்ரல் 2026 10:29:03 AM (IST)
தெலங்கானாவில் கிரேன் சரிந்து விபத்து: பிஹார் தொழிலாளர்கள் 5 பேர் உயிரிழப்பு; 11 பேர் காயம்!
செவ்வாய் 28, ஏப்ரல் 2026 5:36:14 PM (IST)
Sponsored Ads
