நேதாஜி மரணம் பற்றி விசாரணை கோரிய மனு தள்ளுபடி : உச்ச நீதிமன்றம் உத்தரவு!

» செய்திகள் - விளையாட்டு » இந்தியா

நேதாஜி மரணம் பற்றி விசாரணை கோரிய மனு தள்ளுபடி : உச்ச நீதிமன்றம் உத்தரவு!

செவ்வாய் 19, நவம்பர் 2024 11:56:28 AM (IST)

நேதாஜி சுபாஷ் சந்திரபோஸ் மரணம் குறித்து விசாரணைக்கு உத்தரவிடக் கோரிய மனுவை உச்ச நீதிமன்றம் தள்ளுபடி செய்தது.

விடுதலைப் போராட்ட தலைவர் நேதாஜி சுபாஷ் சந்திர போஸ் கடந்த 1945-ல் தைவானில் நிகழ்ந்த விமான விபத்தில் உயிரிழந்தார் என தகவல் உரிமைச் சட்டத்தின் கீழ் ஏற்கெனவே எழுப்பப்பட்ட கேள்விக்கு மத்திய அரசு பதில் அளித்துள்ளது.

இந்நிலையில் நேதாஜியின் மரணம் குறித்து உத்தரவிடக் கோரி பினாக் பானி மொகந்தி என்பவர் உச்ச நீதிமன்றத்தில் பொதுநல வழக்கு தொடர்ந்தார். மொகந்தி தன்னை, மனித உரிமைகள் மற்றும் பொதுநலனுக்காக பாடுபடும் உலக மனித உரிமைகள் பாதுகாப்பு அமைப்பின் (இந்தியா) கட்டாக் மாவட்ட செயலாளர் என்று குறிப்பிட்டுள்ளார்.

அவரது மனு உச்ச நீதிமன்றத்தில் நீதிபதிகள் சூர்ய காந்த், உஜ்ஜல் புயான் ஆகியோரை கொண்ட அடங்கிய அமர்வு முன் நேற்று விசாரணைக்கு வந்தது. அப்போது, "எல்லா பிரச்சினைகளுக்கு உச்ச நீதிமன்றம் தீர்வு அளிக்க முடியாது. அரசை நடத்துவது நீதிமன்றத்தில் வேலை இல்லை" என்று கூறி மனுவை நீதிபதிகள் தள்ளுபடி செய்தனர்.

மேலும் மனுவில் உயிருடன் இல்லாத தலைவர்களுக்கு எதிராக பொறுப்பற்ற குற்றச்சாட்டுகள் இருப்பதாகக் கூறி, மனுதாரருக்கு கண்டனம் தெரிவித்தனர். "மனுதாரர் தனது மனுவில் மகாத்மா காந்தியை கூட விட்டு வைக்கவில்லை. மனுதாரரின் நேர்மையை பரிசோதிக்க வேண்டியுள்ளது" என்று நீதிபதிகள் சாடினர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

நேதாஜி மரணம் பற்றி விசாரணை கோரிய மனு தள்ளுபடி : உச்ச நீதிமன்றம் உத்தரவு!

» செய்திகள் - விளையாட்டு » இந்தியா