தமிழக சட்டமன்றத் தேர்தலை ரத்து செய்யக் கோரி உச்ச நீதிமன்றத்தில் மனு: விரைவில் விசாரணை!

» செய்திகள் - விளையாட்டு » இந்தியா

தமிழக சட்டமன்றத் தேர்தலை ரத்து செய்யக் கோரி உச்ச நீதிமன்றத்தில் மனு: விரைவில் விசாரணை!

சனி 11, ஏப்ரல் 2026 4:54:44 PM (IST)

தமிழக சட்டமன்றத் தேர்தலை ரத்து செய்யக் கோரி உச்ச நீதிமன்றத்தில் மனுத் தாக்கல் செய்யப்பட்டுள்ளது. இந்த மனு வரும் திங்கட்கிழமை அவசர வழக்காக விசாரிக்கப்படும் என எதிர்பார்க்கப்படுகிறது.

தமிழக சட்டமன்றப் பொதுத்தேர்தல் வரும் ஏப்ரல் 23-ஆம் தேதி நடைபெற உள்ளது. தேர்தலில் பதிவாகும் வாக்குகளின் எண்ணிக்கை மே 4-ஆம் தேதி நடைபெறும் என அறிவிக்கப்பட்டுள்ளது. தேர்தல் களம் சூடுபிடித்துள்ள நிலையில், இந்த நீதிமன்ற வழக்கு முக்கியத்துவம் பெற்றுள்ளது.

மதுரையைச் சேர்ந்த கே.கே. ரமேஷ் என்பவர் தாக்கல் செய்துள்ள மனுவில் குறிப்பிட்டுள்ள முக்கிய அம்சங்கள்: தமிழகத்தில் அரசியல் கட்சிகள் வாக்காளர்களுக்குப் பணம் மற்றும் இலவசங்களை அறிவித்து வாக்கு சேகரிப்பில் ஈடுபட்டு வருகின்றன. இத்தகையச் செயல்பாடுகள் அரசியல் சாசன விதிகளுக்கும், தேர்தல் நடத்தை விதிகளுக்கும் முற்றிலும் எதிரானவை.

எனவே, இந்த முறைகேடுகளைக் கருத்தில் கொண்டு தமிழக சட்டமன்றத் தேர்தலை ரத்து செய்ய வேண்டும். இந்த வழக்கில் இறுதி உத்தரவு பிறப்பிக்கப்படும் வரை, தேர்தல் நடைமுறைகளை நிறுத்தி வைக்க இந்தியத் தலைமைத் தேர்தல் ஆணையத்திற்கு உத்தரவிட வேண்டும் என்றும் அந்த மனுவில் கோரப்பட்டுள்ளது.

இந்த மனுவை அவசர வழக்காக ஏற்று உச்ச நீதிமன்றம் திங்கட்கிழமை விசாரிக்க உள்ளதால், அதன் தீர்ப்பு அல்லது கருத்துக்கள் தமிழகத் தேர்தல் களத்தில் பெரும் எதிர்பார்ப்பை ஏற்படுத்தியுள்ளன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தமிழக சட்டமன்றத் தேர்தலை ரத்து செய்யக் கோரி உச்ச நீதிமன்றத்தில் மனு: விரைவில் விசாரணை!

» செய்திகள் - விளையாட்டு » இந்தியா