வினாத்தாள் கசிவு எதிரொலி: நாடு முழுவதும் நீட் தேர்வு ரத்து

» செய்திகள் - விளையாட்டு » இந்தியா

வினாத்தாள் கசிவு எதிரொலி: நாடு முழுவதும் நீட் தேர்வு ரத்து - சிபிஐ விசாரணைக்கு உத்தரவு!

செவ்வாய் 12, மே 2026 4:37:51 PM (IST)

வினாத்தாள் கசிவு தொடர்பான புகார்களைத் தொடர்ந்து கடந்த மே 3-ஆம் தேதி நடைபெற்ற 2026-27-ம் கல்வியாண்டிற்கான நீட் நுழைவுத்தேர்வை ரத்து செய்வதாக தேசிய தேர்வு முகமை அறிவித்துள்ளது.

எம்.பி.பி.எஸ். மற்றும் பி.டி.எஸ். உள்ளிட்ட மருத்துவப் படிப்புகளுக்காக கடந்த மே 3-ஆம் தேதி நாடு முழுவதும் சுமார் 5,432 மையங்களில் நீட் தேர்வு நடைபெற்றது. இத்தேர்வை சுமார் 22.80 லட்சம் மாணவர்கள் எழுதினர். தேர்வு நடைபெற்ற சமயத்திலேயே, வினாத்தாள் முன்கூட்டியே கசிந்ததாகவும், ரகசியமாக விற்பனை செய்யப்பட்டதாகவும் பீகார் உள்ளிட்ட பல்வேறு மாநிலங்களில் இருந்து புகார்கள் எழுந்தன.

தற்போது எழுந்துள்ள புகார்களின் தீவிரத்தைக் கருத்தில் கொண்டு, கடந்த 3-ஆம் தேதி நடந்த தேர்வை முழுமையாக ரத்து செய்வதாக தேசிய தேர்வு முகமை அறிவித்துள்ளது. வினாத்தாள் கசிவு மற்றும் முறைகேடுகள் குறித்து சிபிஐ (CBI) விசாரணை நடத்தத் தேர்வு முகமை பரிந்துரை செய்துள்ளது.

ரத்து செய்யப்பட்ட தேர்விற்குப் பதிலாக மறுதேர்வு நடத்தப்படும். இதற்கான புதிய தேதி விரைவில் அறிவிக்கப்படும் எனத் தெரிவிக்கப்பட்டுள்ளது. மறுதேர்வுக்கு மாணவர்கள் மீண்டும் புதிதாக விண்ணப்பிக்கத் தேவையில்லை. கூடுதல் கட்டணம் எதுவும் செலுத்த வேண்டியதில்லை. மேலும், ஏற்கெனவே செலுத்திய தேர்வு கட்டணத்தைத் திருப்பி வழங்கவும் நடவடிக்கை எடுக்கப்பட்டு வருகிறது.

தமிழகத்தில் கடந்த மே 8-ஆம் தேதி பிளஸ்-2 பொதுத்தேர்வு முடிவுகள் வெளியான நிலையில், நீட் தேர்வு ரத்து செய்யப்பட்டுள்ள செய்தி மருத்துவப் படிப்பை எதிர்நோக்கியுள்ள மாணவர்களையும் அவர்களது பெற்றோர்களையும் பெரும் அதிர்ச்சியில் ஆழ்த்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

வினாத்தாள் கசிவு எதிரொலி: நாடு முழுவதும் நீட் தேர்வு ரத்து - சிபிஐ விசாரணைக்கு உத்தரவு!

» செய்திகள் - விளையாட்டு » இந்தியா