» செய்திகள் - விளையாட்டு » இந்தியா
இந்தியாவில் புழக்கத்திற்கு வருகிறது பிளாஸ்டிக் ரூபாய் நோட்டுகள்: காகித நோட்டுகள் செல்லுமா?
செவ்வாய் 28, ஜூலை 2026 5:43:22 PM (IST)
இந்தியாவில் சோதனை முறையில் 10 ரூபாய் மற்றும் 20 ரூபாய் மதிப்புடைய பிளாஸ்டிக் ரூபாய் நோட்டுகளைப் புழக்கத்தில் விடுவதற்கு இந்திய ரிசர்வ் வங்கியின் பரிந்துரையை ஏற்று மத்திய அரசு அனுமதி அளித்துள்ளது.
இந்தியாவில் ரூபாய் நோட்டுகள் அறிமுகமான காலம் தொட்டுத் தாள்களால் ஆன காகித நோட்டுகளையே பயன்பாட்டில் வைத்துள்ளோம். இந்நிலையில், நாட்டின் பணப்புழக்க வரலாற்றில் முதல்முறையாகப் பிளாஸ்டிக் ரூபாய் நோட்டுகள் பயன்பாட்டிற்கு வரவுள்ளன.
முதற்கட்டமாக, சோதனை அடிப்படையில் 10 ரூபாய் மற்றும் 20 ரூபாய் மதிப்பிலான பிளாஸ்டிக் நோட்டுகளை தலா 100 கோடி எண்ணிக்கையில் அச்சிட்டு வெளியிட இந்திய ரிசர்வ் வங்கி (RBI) உரிய ஏற்பாடுகளைச் செய்து வருகிறது.
காகித நோட்டுகளுடன் ஒப்பிடுகையில் பிளாஸ்டிக் நோட்டுகள் எளிதில் சேதமடையாது என்பதோடு, அதிக காலம் உழைக்கக்கூடியவை. இதன் மூலம் அடிக்கடி பழைய அல்லது சேதமடைந்த நோட்டுகளை மாற்றி புதிய நோட்டுகளை அச்சிடும் செலவு மற்றும் சிரமங்கள் கணிசமாகக் குறையும் என ரிசர்வ் வங்கி தெரிவித்து உள்ளது.
பிளாஸ்டிக் நோட்டுகள் அறிமுகப்படுத்தப்பட்டாலும், தற்போது புழக்கத்தில் உள்ள காகித நோட்டுகள் திரும்பப் பெறப்படாது என்றும், பிளாஸ்டிக் மற்றும் காகித நோட்டுகள் ஆகிய இரண்டுமே தொடர்ந்து புழக்கத்தில் இருக்கும் என்றும் மத்திய அரசு தெளிவுபடுத்தியுள்ளது.
காகித நோட்டுகளை முழுமையாகப் பிளாஸ்டிக் நோட்டுகளாக மாற்றுவதற்கான திட்டம் எதுவும் தற்போது இல்லை என்றும், முதற்கட்டச் சோதனை முயற்சியின் வெற்றிக்குப் பிறகே கூடுதல் பிளாஸ்டிக் நோட்டுகளைப் புழக்கத்தில் விடுவது குறித்து அடுத்தகட்ட முடிவு எடுக்கப்படும் என்றும் தெரிவிக்கப்பட்டுள்ளது.
மக்கள் கருத்து
மேலும் தொடரும் செய்திகள்
நீட் போராட்டம்: மாணவர்கள் மீது கடும் நடவடிக்கை எடுக்கக் கூடாது - உச்ச நீதிமன்றம் அதிரடி உத்தரவு!
செவ்வாய் 28, ஜூலை 2026 5:14:11 PM (IST)
கட்டுப்பாடுகளைத் தளர்த்த வேண்டும்: முதல்வர் விஜய்க்கு கேரள முதல்வர் சதீசன் கடிதம்!
செவ்வாய் 28, ஜூலை 2026 4:54:10 PM (IST)
ராகுல் காந்தி வெளிநாட்டுச் சக்திகளின் ஊதுகுழல்: பாஜக எம்பி நிஷிகாந்த் துபே கடும் தாக்கு!
செவ்வாய் 28, ஜூலை 2026 10:54:59 AM (IST)
மேகதாது அணை கட்ட தமிழகத்தின் அனுமதி தேவையில்லை: மத்திய அமைச்சர் சொல்கிறார்!
செவ்வாய் 28, ஜூலை 2026 10:26:08 AM (IST)
டெல்லியில் மாணவர்கள் மீது தடியடி: உச்ச நீதிமன்றத் தலைமை நீதிபதி கடும் கண்டனம்!
திங்கள் 27, ஜூலை 2026 12:28:52 PM (IST)
தேர்வுச் சீர்திருத்தங்களுக்காக நந்தன் நிலேகனி தலைமையில் உயர்மட்டக் குழு: பிரதமர் அறிவிப்பு!
ஞாயிறு 26, ஜூலை 2026 8:55:03 PM (IST)
நீட் வினாத்தாள் கசிவு விவகாரம்: மத்திய கல்வி அமைச்சர் தர்மேந்திர பிரதான் ராஜினாமா!
சனி 25, ஜூலை 2026 3:44:23 PM (IST)
Sponsored Ads
