தென்காசியில் பொதிகை புத்தக திருவிழா

தென்காசி மாவட்டத்தில் மூன்றாம் ஆண்டு பொதிகை புத்தகத் திருவிழா நவ.15 முதல் 24ஆம் தேதி வரை 10 நாள்கள் நடைபெற உள்ளது.

தென்காசி மாவட்டத்தில் மூன்றாம் ஆண்டு பொதிகை புத்தகத் திருவிழா 15ஆம் தேதி தொடங்கியது. நவ.24 வரை 10 நாள்கள் நடைபெற உள்ள புத்தக திருவிழாவின் ஒவ்வொரு நாளும் புகழ்பெற்ற எழுத்தாளர்களின் சிறப்புரை, சொற்பொழிவுகள் நடைபெற உள்ளது. இதுதவிர நூல் வெளியீட்டு விழா, கலைநிகழ்ச்சி, கருத்தரங்கு உள்பட பல்வேறு நிகழ்ச்சிகளும் நடத்த திட்டமிடப்பட்டுள்ளன.

புத்தக திருவிழா 2- வது நாள் அன்று பள்ளிக் கல்வி துறை சார்பாக மாவட்ட முதன்மை கல்வி அலுவலர் ரெஜினி தலைமையில் ஐசிஐ அரசு ஆண்கள் மேல்நிலைப் பள்ளியில் நடைபெற்றது. இவ்விழாவில் மாவட்ட ஆட்சியர் ஏ.கே.கமல் கிஷோர் சிறப்பு விருந்தினராக கலந்து கொண்டு விழாவை சிறப்பித்தார்கள். சாம்பவர்வடகரை அரசு மேல்நிலைப்பள்ளி விவேகானந்தா சாரண படையின் தலைவன்  ஐயப்பன் மாவட்ட ஆட்சியர் அவர்களை வரவேற்று மரியாதை செலுத்தினார். 

மேலும் இவ் விழாவில் மாவட்ட கல்வி அலுவலர் (தொடக்க கல்வி) ஜெய பிரகாஷ் ராஜன் மற்றும் மாவட்ட கல்வி அலுவலர் (இடைநிலை) தங்கராஜ் மற்றும் மாவட்ட கல்வி அலுவலர் (தனியார் பள்ளிகள்) மாரிமுத்து விழாவில் கலந்து கொண்டு விழாவை சிறப்பித்தார்கள். மேலும் சாரண மாணவர்கள் விழாவில் கலந்துகொண்ட சிறப்பு விருந்தினர்களை சிறப்பாக வரவேற்றார்கள். இவ்விழாவில் பள்ளி தலைமை ஆசிரியர் பா.பிரபாவதி அவர்களும் கலந்து கொண்டு சிறப்பு செய்தார். சாரண மாணவர்கள், சாரண ஆசிரியர் நடராஜன் ஆகியோர் புத்தகங்களை பார்வையிட்டு பயனுள்ள புத்தகங்களை வாங்கினார்கள்.