» செய்திகள் - விளையாட்டு » மாவட்ட செய்தி (திருநெல்வேலி)
தலைவலி தைல டப்பாவை விழுங்கிய 10 மாத ஆண் குழந்தை பலி: பாளை., அருகே பரிதாபம்
வியாழன் 27, பிப்ரவரி 2025 8:13:21 PM (IST)
பாளையங்கோட்டை அருகே தலைவலி தைல டப்பாவை விழுங்கிய 10 மாத ஆண் குழந்தை பரிதாபமாக உயிரிழந்தது.
நெல்லை மாவட்டம் பாளையங்கோட்டை அருகே உள்ள மேலப் பாட்டத்தை சேர்ந்தவர் கண்ணன். கட்டிட தொழி லாளி. இவரது மனைவி சிவனம்மாள்(21). இவர்களுக்கு ஆத்விக் முகிலன் என்ற 10 மாத கைக்குழந்தை இருந்தது. நேற்று கண்ணன் வேலைக்கு சென்றுவிட்டார். பகலில் குழந்தையை வீட்டில் விளையாட வைத்து விட்டு சிவனம்மாள் வீட்டு வேலைகளை பார்த்து கொண்டிருந்தார்.
நேற்று இரவு 7 மணி அளவில் குழந்தை அழுதுள்ளது. மேலும் திடீரென மயக்கம் அடைந்துள்ளது. இதனால் அதிர்ச்சி அடைந்த சிவனம்மாள் குழந்தை விளையாடிக் கொண்டிருந்த அறையை பார்த்தபோது, தலைவலி தைலம் டப்பாவை விழுங்கியது தெரியவந்தது. இதையறிந்த சிவனம்மாள், உடனடியாக குழந்தையை நெல்லை அரசு மருத்துவமனைக்கு சிகிச்சைக்காக கொண்டு சென்றார்.
அங்கு குழந்தைக்கு தீவிர சிகிச்சை அளிக்கப்பட்ட நிலையிலும், நள்ளிரவில் பச்சிளம் குழந்தை பரிதாபமாக இறந்தது. இதுகுறித்து பாளை தாலுகா போலீசார் வழக்குப்பதிவு செய்து விசாரணை நடத்தி வருகின்றனர். பச்சிளம் குழந்தை இறந்த சம்பவம் அப்பகுதி மக்களை சோகத்தில் ஆழ்த்தி உள்ளது.
மக்கள் கருத்து
மேலும் தொடரும் செய்திகள்

தென்காசி கோவில் கும்பாபிஷேகம் நடத்த தடை : உயர் நீதிமன்ற மதுரை கிளை உத்தரவு!
வியாழன் 3, ஏப்ரல் 2025 5:09:33 PM (IST)

நெல்லையில் புதிய தீயணைப்பு வீரர்களுக்கு பயிற்சி துவக்கம்
புதன் 2, ஏப்ரல் 2025 5:56:01 PM (IST)

திருநெல்வேலி மாவட்டத்தில் வளர்ச்சித் திட்ட பணிகள் : ஆட்சியர் இரா.சுகுமார் நேரில் ஆய்வு
புதன் 2, ஏப்ரல் 2025 5:21:32 PM (IST)

சொத்துத்தகராறில் தந்தையை சரமாரியாக வெட்டிக் கொன்ற மகன்: நெல்லை அருகே பயங்கரம்!
புதன் 2, ஏப்ரல் 2025 8:17:04 AM (IST)

பங்குனி உத்திரத்தை முன்னிட்டு 11ம் தேதி உள்ளூர் விடுமுறை : ஆட்சியர் சுகுமார் அறிவிப்பு
செவ்வாய் 1, ஏப்ரல் 2025 8:27:13 PM (IST)

அதிமுக - பாஜக கூட்டணி? நயினார் நாகேந்திரனுடன் அதிமுக முன்னாள் அமைச்சர்கள் பேச்சுவார்த்தை!
செவ்வாய் 1, ஏப்ரல் 2025 4:42:15 PM (IST)
