» செய்திகள் - விளையாட்டு » மாவட்ட செய்தி (திருநெல்வேலி)
பெருமணல் மீனவ கிராமத்தில் ரூ.19.33 கோடியில் தூண்டில் வளைவு நீட்டிப்புப் பணி அடிக்கல் நாட்டு விழா!
புதன் 4, மார்ச் 2026 5:19:09 PM (IST)
பெருமணல் மீனவ கிராமத்தில் ரூ.19.33 கோடி மதிப்பீட்டில் தூண்டில் வளைவு நீட்டிப்புப் பணிகளுக்கு முதலமைச்சர் மு.க.ஸ்டாலின் இன்று காணொலி காட்சி வாயிலாக அடிக்கல் நாட்டினார்.
திருநெல்வேலி மாவட்டம், பெருமணல் மீனவ கிராமத்தில் ரூ.19.33 கோடி மதிப்பீட்டில் மேற்கொள்ளப்படவுள்ள தூண்டில் வளைவு நீட்டிப்புப் பணிகளுக்கு, தமிழ்நாடு முதலமைச்சர் மு.க.ஸ்டாலின் இன்று (04.03.2026) தலைமைச் செயலகத்திலிருந்து காணொலி காட்சி வாயிலாக அடிக்கல் நாட்டினார்.
இதனைத் தொடர்ந்து, பெருமணல் மீனவ கிராமத்தில் நடைபெற்ற விழாவில் தமிழ்நாடு சட்டப்பேரவைத் தலைவர் மாண்புமிகு மு. அப்பாவு அவர்கள் பணிகளைத் தொடங்கி வைத்து, பொதுமக்களுக்கு இனிப்புகளை வழங்கிச் சிறப்பித்தார்.
நிகழ்ச்சியில் உரையாற்றிய சட்டப்பேரவைத் தலைவர் மு. அப்பாவு அவர்கள் தெரிவித்ததாவது: "மாண்புமிகு முதலமைச்சர் தலைமையிலான தமிழ்நாடு அரசு, மீனவர்களின் நலனைக் காக்கப் பல்வேறு முன்னோடித் திட்டங்களைச் செயல்படுத்தி வருகிறது. பெருமணல் மீனவ மக்களின் நீண்ட நாள் கோரிக்கையை ஏற்று, இப்பணிக்கு இன்று அடிக்கல் நாட்டப்பட்டுள்ளது.
இந்தத் தூண்டில் வளைவு நீட்டிப்பு மூலம் கடல் அரிப்பு முற்றிலுமாகத் தடுக்கப்படும். மீன்பிடிப் படகுகளை இயக்குவது எளிதாகும் மற்றும் விபத்துகள் தவிர்க்கப்படும். மீனவர்களின் சமூக-பொருளாதார நிலை உயரும். மீனவர்களின் நலன் கருதி இத்திட்டத்தைத் தந்துள்ள முதலமைச்சர் அவர்களுக்கு மீனவ மக்கள் சார்பில் நன்றியைத் தெரிவித்துக் கொள்கிறேன் என்றார்.
இந்நிகழ்ச்சியில் முன்னாள் நாடாளுமன்ற உறுப்பினர் திரு. சா. ஞானதிரவியம், மீன்வளம் மற்றும் மீனவர் நலத்துறை உதவி இயக்குநர் திரு. ராஜத்துரை, அருட்தந்தை பிரபு, மாவட்ட ஊராட்சி உறுப்பினர் திரு. பாஸ்கர், முக்கியப் பிரமுகர்கள் திரு. ஜோசப் பெல்சி, திரு. அலெக்ஸ் அப்பாவு மற்றும் அரசு அலுவலர்கள், உள்ளாட்சி அமைப்புகளின் பிரதிநிதிகள் உள்ளிட்ட பலர் கலந்து கொண்டனர்.
மக்கள் கருத்து
மேலும் தொடரும் செய்திகள்
அமேசான் வலை சேவைகள் மறுதொடக்கம் செயற்கை நுண்ணறிவு பயிற்சி: இளைஞர்களுக்கு அழைப்பு!
வியாழன் 5, மார்ச் 2026 5:23:01 PM (IST)
தேர்தலை அமைதியாக நடத்த நடவடிக்கை: நெல்லை மாநகரக் காவல் ஆணையர் சேகர் தேஷ்முக் உறுதி
வியாழன் 5, மார்ச் 2026 4:54:29 PM (IST)
நெல்லை - தாதர் எக்ஸ்பிஸில் கூடுதல் பெட்டிகள் இணைப்பு: ரயில் நிலைய மாற்றம் அறிவிப்பு!
வியாழன் 5, மார்ச் 2026 10:39:30 AM (IST)
நாங்குநேரி இரட்டைக்கொலை: பழிக்குப்பழி வாங்க அரங்கேறிய பயங்கரம் - திடுக்கிடும் தகவல்கள்!
வியாழன் 5, மார்ச் 2026 8:18:47 AM (IST)
கொக்கிரகுளத்தில் ரூ.5 கோடி மதிப்பிலான வண்ண மீன் காட்சியகம் திறப்பு விழா!
புதன் 4, மார்ச் 2026 5:38:58 PM (IST)
கந்து வட்டி கேட்டு பெண்ணை மிரட்டியவருக்கு 2 ஆண்டு சிறை தண்டனை : நீதிமன்றம் தீர்ப்பு!
செவ்வாய் 3, மார்ச் 2026 5:42:34 PM (IST)
நாங்குநேரி இரட்டைக் கொலை சம்பவம்: திமுக அரசுக்கு அதிமுக கண்டனம்!
செவ்வாய் 3, மார்ச் 2026 4:05:13 PM (IST)
