தூத்துக்குடி மாவட்ட தேர்தல் பார்வையாளர்கள் நியமனம் : கண்காணிப்புப் பணி தீவிரம்!

தமிழ்நாடு சட்டமன்றத் தேர்தல் 2026- ஐ முன்னிட்டு தூத்துக்குடி மாவட்டப் பார்வையாளர்கள் நியமனம் செய்யப்பட்டுள்ளனர். 

தமிழ்நாடு சட்டமன்றப் பொதுத்தேர்தல் - 2026, வருகின்ற ஏப்ரல் 23, 2026 அன்று நடைபெறுமென இந்தியத் தேர்தல் ஆணையம் அறிவித்துள்ளது. இதனைத் தொடர்ந்து, தூத்துக்குடி மாவட்டத்தில் உள்ள 6 சட்டமன்றத் தொகுதிகளிலும் தேர்தல் பணிகளைக் கண்காணிப்பதற்காக இந்தியத் தேர்தல் ஆணையத்தால் நியமிக்கப்பட்ட பொதுப் பார்வையாளர்கள், செலவினப் பார்வையாளர்கள் மற்றும் காவல் பார்வையாளர் ஆகியோர் மாவட்டத்திற்கு வருகை தந்துள்ளனர்.

1. தேர்தல் பொதுப் பார்வையாளர்: அர்விந்த் குமார் வேர்மா: 217-ஓட்டப்பிடாரம் (தனி) மற்றும் 218-கோவில்பட்டி சட்டமன்றத் தொகுதிகள்.

2. தேர்தல் செலவினப் பார்வையாளர்கள்: 

அனுப் குமார் ஜெயின்: 217-ஓட்டப்பிடாரம் (தனி) மற்றும் 218-கோவில்பட்டி சட்டமன்றத் தொகுதிகள்.

ஷிவ் பிரசாத் பால்: 213-விளாத்திகுளம் சட்டமன்றத் தொகுதி.

நக்குல் அகர்வால்: 214-தூத்துக்குடி மற்றும் 215-திருச்செந்தூர் சட்டமன்றத் தொகுதிகள்.

சன்னி கச்சன்வாஹா: 216-ஸ்ரீவைகுண்டம் சட்டமன்றத் தொகுதி.

3. காவல் பார்வையாளர்:ஹிர்மத் சுதிர் கல்யா: தூத்துக்குடி மாவட்டத்தில் உள்ள 6 சட்டமன்றத் தொகுதிகளுக்கும் (விளாத்திகுளம், தூத்துக்குடி, திருச்செந்தூர், ஸ்ரீவைகுண்டம், ஓட்டப்பிடாரம், கோவில்பட்டி) பொதுவான காவல் பார்வையாளராக நியமிக்கப்பட்டுள்ளார்.

மாவட்டத்திற்கு வருகை தந்துள்ள இந்தப் பார்வையாளர்கள், தேர்தல் நடத்தை விதிமுறைகள் முறையாகப் பின்பற்றப்படுகிறதா என்பதையும், பாதுகாப்பு ஏற்பாடுகள் மற்றும் வேட்பாளர்களின் தேர்தல் செலவினங்களையும் தீவிரமாகக் கண்காணிப்பார்கள்.

பொதுமக்கள் மற்றும் வேட்பாளர்கள் தேர்தல் தொடர்பான புகார்கள் ஏதேனும் இருப்பின், அந்தந்தத் தொகுதிக்குரிய பார்வையாளர்களைத் தொடர்பு கொண்டு தெரிவிக்கலாம் என மாவட்டத் தேர்தல் நிர்வாகம் தெரிவித்துள்ளது.