மூளைச்சாவு அடைந்து உறுப்புக்களை தானம் செய்தவருக்கு அரசு சார்பில் மரியாதை

ஆசாரிப்பள்ளம் அரசு மருத்துவக் கல்லூரி மருத்துவமனையில் மூளைச்சாவு அடைந்து உறுப்புக்களை தானம் செய்தவருக்கு தமிழ்நாடு அரசு சார்பில் மரியாதை செலுத்தப்பட்டது. 

கன்னியாகுமரி அருகே கொட்டாரம் பகுதியைச் சார்ந்த சுப்பிரமணியன் (வயது 49) கடந்த 15.11.2024 அன்று மூளைச்சாவு அடைந்த நிலையில் அவரது உறுப்புகளை தானம் செய்ய அவரது குடும்பத்தார் முன் வந்தனர். அதனை தொடர்ந்து நேற்று ஆசாரிப்பள்ளம் அரசு மருத்துவக் கல்லூரி மருத்துவமனையில் இருந்து சுப்பிரமணியனின் உள் உறுப்புகள் தானத்திற்காக ஆம்புலன்ஸ் மூலம் மதுரை, திருச்சி திருநெல்வேலி, சென்னை உள்ளிட்ட பகுதிகளில் உள்ள மருத்துவமனைக்கு கொண்டு செல்லப்பட்டது. 

பின்பு அவரது உடலை உறவினரிடம் ஒப்படைக்கப்பட்டது. தொடர்ந்து மூளைச்சாவு அடைந்து தனது உறுப்புக்களை தானம் செய்த சுப்பிரமணியன் அவர்களின் உறவினர்களுக்கு, தமிழ்நாடு அரசின் சார்பில் மாவட்ட நிர்வாகத்தால் இரங்கலை தெரிவித்ததோடு, மாவட்ட நிர்வாகத்தின் சார்பில் நாகர்கோவில் வருவாய் கோட்டாட்சியர் எஸ்.காளீஸ்வரி அன்னராது உடலுக்கு மலர் வளையம் அணிவித்து மரியாதை செலுத்தினார்.