பாலபிரஜாபதி அடிகளாரின் துணைவியாா் மறைவு: அமைச்சர் தங்கம் தென்னரசு அஞ்சலி

சாமித்தோப்பு பால பிரஜாபதி அடிகளாரின் மனைவி ரமணிபாய் அய்யா மறைவைத் தொடர்ந்து அமைச்சர் தங்கம் தென்னரசு நேரில் அஞ்சலி செலுத்தினார். 

சுவாமித்தோப்பு அய்யா வைகுண்டர் தலைமைப்பதி அறங்காவலர் பாலபிரஜாதிபதி அடிகளார் அவர்களின் மனைவி ரமணிபாய் அய்யா வைகுண்டர் பதம் அடைந்தார்கள். அதனைத்தொடர்ந்து தமிழ்நாடு முதலமைச்சர் அவர்களின் ஆணைக்கிணங்க நிதி மற்றும் சுற்றுச்சூழல் காலநிலை மாற்ற அமைச்சர் தங்கம் தென்னரசு முன்னாள் அமைச்சர் மற்றும் பத்மநாபபுரம் சட்டமன்ற உறுப்பினர் த.மனோ தங்கராஜ் , நாகர்கோவில் மாநகராட்சி மேயர் ரெ.மகேஷ் ஆகியோர் அவர்களின் குடும்பத்தினரை நேரில் சந்தித்து ஆறுதல் தெரிவித்தார்கள்.

இந்நிகழ்ச்சியில் முன்னாள் அமைச்சர் சுரேஷ்ராஜன், முன்னாள் பாராளுமன்ற உறுப்பினர் ஹேலன் டேவிட்சன், நாகர்கோவில் மாநகராட்சி துணை மேயர் மேரி பிரின்சி லதா, அகஸ்தீஸ்வரம் வட்டாட்சியர் முருகன், மாவட்ட செய்தி மக்கள் தொடர்பு அலுவலர் பா.ஜாண் ஜெகத் பிரைட், தாமரை பாரதி, இந்து சமய அறங்காவலர் குழு தலைவர் பிரபா ஜி இராமகிருஷ்ணன், பாபு, அகஸ்டிசன், ஆனந்த், கேட்சன், பூதலிங்கம், மரிய சிசுகுமார் உட்பட பலர் கலந்து கொண்டார்கள்.