அழகிய கூத்தர் கோயிலில் திருவாதிரை திருவிழா கொடியேற்றத்துடன் துவங்கியது!

தூத்துகுடி மாவட்டம் சாத்தான்குளம் வட்டம் கட்டாரிமங்கலம் அருள் தரும் சிவகாமி அம்பாள் சமேத ஸ்ரீ அழகியகூத்தர் திருக்கோவில் (நடராஜரின் பஞ்ச விக்ரஹ ஸ்தலம்) திருவாதிரை திருவிழா திருக்கொடியேற்றம் இன்று காலை நடைபெற்றது. விழாவை முன்னிட்டுஅதிகாலை 03.00 மணிக்கு கணபதி ஹோமம்,அதிகாலை 04.00 மணிக்கு பல்வேறு வகையான அபிஷேகம். பல்வேறு பூஜைகள் நடந்தது அதிகாலை 05.00 மணி முதல் 06.00 மணிக்குள் திருக்கொடியேற்றம். நடைபெற்றது.

அதனைத் தொடர்ந்து அலங்கார தீபாராதனை,, சிறப்பு பூஜைகள் நடைபெற்றது. அதனைத் தொடர்ந்து திரளாக பங்கேற்ற பக்தர்களுக்கு அருள் பிரசாதம் வழங்கப்பட்டது. விழாவில் மூலவர் ஸ்ரீவீரபாண்டீஸ்லரர் , ஸ்ரீஅழகிய கூத்தர்,, ஸ்ரீசிவகாமி அம்மன் சிறப்பு அலங்காரத்தில் அருள்பாலித்தனர்.. இத் திருவிழா தொடர்ந்து 10 நாட்கள் நடைபெறுகிறது. ஒவ்வொரு நாளும் பல்வேறு வகையான அபிஷேகம் மற்றும் தீபாரதனை உள்ளிட்ட பல்வேறு பூஜைகள் நடைபெறுகிறது. 

சிகர நிகழ்ச்சியான ஜனவரி 3ஆம் தேதி திருவாதிரை முன்னிட்டு அதிகாலை 3 மணிக்கு கணபதி ஹோமம், நாலு மணிக்கு சுவாமி அபிஷேக மண்டபத்தில் எழுந்தருளல், நாலு முப்பது மணிக்கு நடராஜருக்கு 36 வகையான சிறப்பு அபிஷேகம், நடைபெறுகிறது. காலை 6 மணிக்கு ஆருத்ரா தரிசனம், மகா தாண்டவ தீபாரதனை நடைபெறுகிறது, காலை 7:00 மணிக்கு காலை பூஜை மற்றும் பக்தர்களுக்கு பிரசாதம் வழங்கும் நிகழ்ச்சி நடைபெறுகிறது. 

காலை 9 மணிக்கு பெருங்குளம் திருக்கயிலாய பரம்பரை செங்கோல் ஆதீனம் 103 வது குரு மகா சன்னிதானம் ஸ்ரீலஸ்ரீ சிவபிரகாச தேசிய சத்யஞான பரமாச்சியார் சுவாமிகள் பங்கேற்று திருவாதிரை திருவிழா அருளாசி வழங்குகிறார். மதியம் 12 மணிக்கு பஞ்சமூர்த்தி திருவீதி உலா, ஒரு மணிக்கு மதிய பூஜை, மாலை 6:00 மணிக்கு அபிஷேகம், இரவு 7 மணிக்கு திருவிளக்கு பூஜை, இரவு 8 மணிக்கு சேர்க்கை நிகழ்ச்சி நடைபெறுகிறது. விழா ஏற்பாடுகளை கோயில் செயல் அலுவலர். மற்றும் கோயில் அறங்காவலர் குழு தலைவர் மற்றும் உறுப்பினர்கள், பக்தர்கள் நிர்வாகிகள் செய்து வருகின்றனர்.