வானவில் போல தமிழக வெற்றி கழகமும் மறைந்து விடும்: கடம்பூர் செ. ராஜூ பேச்சு!

» செய்திகள் - விளையாட்டு » தமிழகம்

வானவில் போல தமிழக வெற்றி கழகமும் மறைந்து விடும்: கடம்பூர் செ. ராஜூ பேச்சு!

திங்கள் 9, பிப்ரவரி 2026 3:16:01 PM (IST)

வானவில் போல தமிழக வெற்றி கழகமும் வந்த வேகத்தில் மறைந்துவிடும். வரும் தேர்தலில் வானவில்லும் (தவெக), சூரியனும் (திமுக), காணாமல் போகும் என்று அதிமுக முன்னாள் அமைச்சர் பேசினார்.

தூத்துக்குடி மாவட்டம் விளாத்திகுளத்தில் உள்ள தனியார் திருமண மண்டபத்தில் நடைபெற்ற விழாவில், தமிழக வெற்றி கழகத்தைச் சேர்ந்த பிரவீன்குமார் தலைமையில், சுமார் 500-க்கும் மேற்பட்ட நிர்வாகிகள் மற்றும் தொண்டர்கள், முன்னாள் அமைச்சரும் கோவில்பட்டி சட்டமன்ற உறுப்பினருமான கடம்பூர் செ. ராஜூ முன்னிலையில் தங்களை அதிமுகவில் இணைத்துக் கொண்டனர்.

புதிதாக இணைந்தவர்களை வரவேற்றுப் பேசிய கடம்பூர் செ. ராஜூ தெரிவித்ததாவது: மழைக்காலத்தில் தோன்றி மறையும் வானவில் போல தமிழக வெற்றி கழகமும் வந்த வேகத்தில் மறைந்துவிடும். வரும் தேர்தலில் சூரியனும் (திமுக), வானவில்லும் (தவெக) காணாமல் போகும். 2026 தேர்தல் களம் அதிமுகவின் வெற்றியை நோக்கியே நகர்கிறது.

இன்று திமுகவைத் தீய சக்தி என்றும், அரசியல் எதிரி என்றும் கூறும் விஜய், கடந்த தேர்தலின் போது எந்த நிற சைக்கிளில் சென்று வாக்களித்தார் என்பது அனைவருக்கும் தெரியும். அன்றைக்கு திமுக அரசியல் எதிரியாகத் தெரியவில்லையா? நேரத்திற்கு நேரம் கொள்கையை மாற்றுபவர்கள் அரசியலில் வெற்றி பெற முடியாது.

தவெக-வின் மூன்றாம் ஆண்டு தொடக்க விழாவில் விஜய் நடனமாடியதன் மூலம், 'நான் மீண்டும் டான்ஸ் தான் ஆடுவேன்' என்பதை மறைமுகமாகச் சொல்லியுள்ளார். வருகின்ற பிப்ரவரி 28-ஆம் தேதி, முன்னாள் முதல்வர் ஜெயலலிதாவின் பிறந்தநாளை முன்னிட்டு புதூரில் நடைபெறவுள்ள அதிமுக பொதுக்கூட்டத்தில், திமுக மற்றும் மதிமுகவைச் சேர்ந்த முக்கிய நிர்வாகிகள் அதிமுகவில் இணைய உள்ளதாக அவர் தெரிவித்தார்.

விளாத்திகுளம் தொகுதியில் திமுக வேட்பாளரைப் படுதோல்வி அடையச் செய்வோம். சாதாரணத் தொண்டனை வேட்பாளராக நிறுத்தினாலும், அவரைப் பெரும் வாக்கு வித்தியாசத்தில் வெற்றி பெறச் செய்து, விளாத்திகுளத்தை மீண்டும் அதிமுகவின் எஃகுக்கோட்டையாக மாற்றுவோம்," என அதிமுக நிர்வாகிகள் உறுதியளித்தனர்.

இந்நிகழ்வில் முன்னாள் சட்டமன்ற உறுப்பினர்கள் சின்னப்பன், மோகன், என்.கே. பெருமாள், ஒன்றிய செயலாளர்கள் ராமச்சந்திரன், மகேஷ், பால்ராஜ் மற்றும் மாவட்ட தகவல் தொழில்நுட்ப பிரிவு நிர்வாகிகள், மகளிர் அணி நிர்வாகிகள் என ஏராளமான அதிமுகவினர் கலந்து கொண்டனர்.

மக்கள் கருத்து

JAY FANSFeb 9, 2026 - 04:13:23 PM | Posted IP 162.1*****

விஜய் சீக்கிரம் நடிக்க வரவேண்டும், அவர் மக்கள் தொண்டாற்றும் அளவிற்கு சின்ன தகுதிகூட இல்லாத ஒரு சுயநலவாதி. மிஷனரி

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

வானவில் போல தமிழக வெற்றி கழகமும் மறைந்து விடும்: கடம்பூர் செ. ராஜூ பேச்சு!

» செய்திகள் - விளையாட்டு » தமிழகம்