» செய்திகள் - விளையாட்டு » தமிழகம்
தமிழ்நாடு சட்டப்பேரவைத் தேர்தல் அறிவிப்பு: ஏப். 23-ல் வாக்குப்பதிவு - மே 4ல் ரிசல்ட்..!
ஞாயிறு 15, மார்ச் 2026 6:16:47 PM (IST)
தமிழ்நாடு சட்டப்பேரவைத் தேர்தலுக்கான வாக்குப்பதிவு ஏப்ரல் 23 ஆம் தேதி ஒரே கட்டமாக நடைபெறும் என தலைமைத் தேர்தல் ஆணையர் ஞானேஷ்குமார் இன்று (மார்ச் 15) அறிவித்தார்.
தமிழ்நாடு உள்ளிட்ட 5 மாநிலங்களுக்கான சட்டப்பேரவைத் தேர்தல் தேதிகளைத் தலைமைத் தேர்தல் ஆணையர் ஞானேஷ்குமார் இன்று அதிகாரப்பூர்வமாக அறிவித்தார். இதன்படி தமிழகத்தில் ஏப்ரல் 23-ஆம் தேதி ஒரே கட்டமாக வாக்குப்பதிவு நடைபெறவுள்ளது.
தேர்தல் கால அட்டவணை:
தமிழகத் தேர்தலுக்கான முக்கியத் தேதிகள் பின்வருமாறு:
வேட்புமனுத் தாக்கல் தொடக்கம்: மார்ச் 30
மனுத் தாக்கல் செய்யக் கடைசி நாள்: ஏப்ரல் 6
வேட்புமனுப் பரிசீலனை: ஏப்ரல் 7
மனுவைத் திரும்பப் பெறக் கடைசி நாள்: ஏப்ரல் 9
வாக்குப்பதிவு நாள்: ஏப்ரல் 23
வாக்கு எண்ணிக்கை: மே 4
தமிழக வாக்காளர்கள் மற்றும் வாக்குச்சாவடிகள்: தமிழகத்தில் மொத்தம் 5.67 கோடி வாக்காளர்கள் உள்ளனர். இவர்களில் பெண் வாக்காளர்களின் எண்ணிக்கை (2.89 கோடி), ஆண்களை விட (2.77 கோடி) அதிகமாக உள்ளது.
முதல்முறை வாக்காளர்கள்: 12.51 லட்சம் பேர்.
இளைஞர்கள் (20-29 வயது): 1.05 கோடி பேர்.
மூன்றாம் பாலினத்தவர்கள்: 7,617 பேர்.
தேர்தலுக்காகத் தமிழகம் முழுவதும் 75,032 வாக்குச்சாவடிகள் அமைக்கப்படவுள்ளன. இதில் கிராமப்புறங்களில் 44,065 சாவடிகளும், நகர்ப்புறங்களில் 30,967 சாவடிகளும் அமைய உள்ளன.
இந்தத் தேர்தலில் முதல்முறையாக வாக்குப்பதிவு இயந்திரங்களில் வேட்பாளர்களின் வண்ணப் புகைப்படங்கள் இடம்பெறும். ஒவ்வொரு இரண்டு மணி நேரத்திற்கும் ஒருமுறை வாக்குப்பதிவு நிலவரங்கள் முறையாக அறிவிக்கப்படும்.
5 மாநிலங்களிலும் சேர்த்து மொத்தம் 8.5 லட்சம் பாதுகாப்புப் பணியாளர்கள் ஈடுபடுத்தப்பட உள்ளனர். வாக்குச்சாவடிகளில் வாக்காளர்களின் செல்போன்களைப் பாதுகாப்பாக வைத்திருக்கவும் சிறப்பு ஏற்பாடுகள் செய்யப்பட்டுள்ளன.
தமிழக சட்டப்பேரவையின் பதவிக்காலம் மே 10-ஆம் தேதியுடன் முடிவடைய உள்ள நிலையில், மே 4-ஆம் தேதியே முடிவுகள் அறிவிக்கப்பட்டுப் புதிய அரசு அமைவதற்கான வழிவகை செய்யப்பட்டுள்ளது. அமைதியான முறையில் தேர்தல் நடைபெற பொதுமக்கள் ஒத்துழைப்பு நல்க வேண்டும் எனத் தேர்தல் ஆணையம் கேட்டுக்கொண்டுள்ளது.
மக்கள் கருத்து
மேலும் தொடரும் செய்திகள்
திருச்செந்தூரில் ரூ.18 கோடியில் புதிய பேருந்து நிலையம்: அமைச்சர் ஸ்ரீநாத் நேரில் ஆய்வு
ஞாயிறு 21, ஜூன் 2026 9:08:48 AM (IST)
கூட்டுப் பாலியல் வன்கொடுமை - கொலை வழக்குகள் : 5 பேர் குண்டர் சட்டத்தில் கைது!
ஞாயிறு 21, ஜூன் 2026 8:55:35 AM (IST)
உள்ளாட்சித் தேர்தலுக்குப் பாரதிய ஜனதா ஆயத்தம் : தூத்துக்குடியில் நிர்வாகிகள் ஆலோசனை!
ஞாயிறு 21, ஜூன் 2026 8:47:19 AM (IST)
பெண் குழந்தைகளைப் பாதுகாப்போம்: தோவாளையில் சிறப்பு பிங்க் கிராம சபை கூட்டம்!
சனி 20, ஜூன் 2026 5:47:51 PM (IST)
திமுக கூட்டணியில் இருந்து வெளியேறியது இந்திய யூனியன் முஸ்லிம் லீக்!: பொதுக்குழுவில் தீர்மானம்!
சனி 20, ஜூன் 2026 5:05:37 PM (IST)
ஐஏஎஸ் அதிகாரிகள் அதிரடி இடமாற்றம்: ஒரே நாளில் சிவகங்கை டூ மதுரைக்கு மாற்றப்பட்ட ஆட்சியர்!
சனி 20, ஜூன் 2026 3:58:57 PM (IST)
இந்து சமய அறநிலையத் துறையின் ரூ.245.85 கோடி திட்டப்பணிகள் ரத்து : அரசு அதிகாரப்பூர்வ அறிவிப்பு!
சனி 20, ஜூன் 2026 3:44:34 PM (IST)
Sponsored Ads
