தமிழகத்தில் இதுவரை ரூ.189 கோடி மதிப்பிலான பொருட்கள் பறிமுதல்: அர்ச்சனா பட்நாயக் தகவல்!

தமிழகச் சட்டமன்றத் தேர்தலை முன்னிட்டு மாநிலம் முழுவதும் நடத்தப்பட்ட சோதனைகளில், இதுவரை சுமார் 189.74 கோடி ரூபாய் மதிப்பிலான ரொக்கம் மற்றும் பொருட்கள் பறிமுதல் செய்யப்பட்டுள்ளதாகத் தமிழகத் தலைமைத் தேர்தல் அதிகாரி அர்ச்சனா பட்நாயக் தெரிவித்துள்ளார்.

இந்தியத் தேர்தல் ஆணையத்தின் வழிகாட்டுதலின்படி, அங்கீகரிக்கப்பட்ட தேசிய மற்றும் மாநில அரசியல் கட்சிகள் தூர்தர்ஷன் மற்றும் அகில இந்திய வானொலியில் பிரச்சாரம் செய்வதற்கான மின்னணு காலச் சீட்டுகள் (Digital Time Vouchers) இன்று ஒதுக்கப்பட்டன. தேர்தல் நடத்தை விதிகளுக்கு உட்பட்டு இந்த நேரத்தைப் பயன்படுத்திக் கொள்ளுமாறு கட்சிகளுக்கு அறிவுறுத்தப்பட்டுள்ளது.

பறிமுதல் விவரங்கள் (26.03.2026 அன்றைய நிலவரப்படி):மாநிலம் முழுவதும் 2,169 பறக்கும் படைகள் மற்றும் 2,166 நிலையான கண்காணிப்புக் குழுக்கள் தீவிர சோதனையில் ஈடுபட்டுள்ளன. 

அதன் விவரம்:

ரொக்கம் 41.98

தங்கம் / வெள்ளி (விலை உயர்ந்த உலோகம்) 115.1

போதைப்பொருட்கள் 7.24

மதுபானம் 0.88

இதர பொருட்கள் / இலவசங்கள் 24.53

மொத்தம் 189.74

பறிமுதல் செய்யப்பட்ட பொருட்கள் மற்றும் பணம் தொடர்பாகப் பொதுமக்கள் தங்களது புகார்களைத் தெரிவிக்க அல்லது உரிய ஆவணங்களைச் சமர்ப்பித்துத் திரும்பப் பெற, மாவட்டந்தோறும் குறை தீர்ப்பு மையங்கள் அமைக்கப்பட்டுள்ளன. தூத்துக்குடி மாவட்டத்தைச் சேர்ந்தவர்கள் 7373704229 என்ற எண்ணைத் தொடர்பு கொள்ளலாம்."தேர்தல் திருவிழா - தமிழ்நாட்டின் பெருவிழா" என்ற முழக்கத்துடன் தேர்தல் பணிகள் விறுவிறுப்பாக நடைபெற்று வருகின்றன.