» செய்திகள் - விளையாட்டு » தமிழகம்
பத்மநாபபுரம் தொகுதி கம்யூனிஸ்ட் கட்சிக்கு ஒதுக்கீடு: திமுகவினர் பட்டாசு வெடித்துக் கொண்டாட்டம்!
ஞாயிறு 29, மார்ச் 2026 9:52:03 AM (IST)
பத்மநாபபுரம் தொகுதி அமைச்சர் மனோ தங்கராஜிடமிருந்து பறிக்கப்பட்டதை வரவேற்று திமுகவினரே பட்டாசு வெடித்து கொண்டாடிய சம்பவம் பரபரப்பை ஏற்படுத்தியது.
கன்னியாகுமரி மாவட்டம் பத்மநாபபுரம் சட்டமன்றத் தொகுதி, தற்போதைய அமைச்சர் மனோ தங்கராஜிடமிருந்து பறிக்கப்பட்டு, கூட்டணி கட்சியான இந்திய கம்யூனிஸ்ட் கட்சிக்கு ஒதுக்கப்பட்டதை முன்னிட்டு, திருவிதாங்கோடு நகர திமுகவினர் பட்டாசு வெடித்துத் தங்களது மகிழ்ச்சியைக் கொண்டாடினர்.
வருகிற 2026 தமிழகச் சட்டமன்றத் தேர்தலை முன்னிட்டு, திமுக தலைமையிலான கூட்டணியில் தொகுதிப் பங்கீடுகள் இறுதி செய்யப்பட்டு வருகின்றன. இதில், கடந்த முறை திமுக சார்பில் போட்டியிட்டு வெற்றி பெற்று அமைச்சராகப் பொறுப்பு வகிக்கும் மனோ தங்கராஜின் பத்மநாபபுரம் தொகுதி, இந்த முறை கூட்டணி கட்சியான இந்திய கம்யூனிஸ்ட் கட்சிக்கு (CPI) ஒதுக்கப்பட்டுள்ளது.
அமைச்சருக்குத் தொகுதி மீண்டும் ஒதுக்கப்படாதது அவரது ஆதரவாளர்களிடையே அதிர்ச்சியை ஏற்படுத்தியுள்ள நிலையில், திருவிதாங்கோடு நகர திமுகவினர் இந்த முடிவை வரவேற்றுள்ளனர். திருவிதாங்கோடு சந்திப்புப் பகுதியில் திரண்ட திமுகவினர், பட்டாசுகளை வெடித்துத் தங்களது மகிழ்ச்சியை வெளிப்படுத்தினர்.
சொந்தக் கட்சியின் அமைச்சருக்கே தொகுதி மறுக்கப்பட்டதை அக்கட்சியினரே கொண்டாடுவது குமரி மாவட்ட அரசியலில் பெரும் விவாதத்தையும் பரபரப்பையும் ஏற்படுத்தியுள்ளது.
மக்கள் கருத்து
மேலும் தொடரும் செய்திகள்
ஆசாரிப்பள்ளம் பழமையான தேவாலயத்தில் குருத்தோலை ஞாயிறு சிறப்பு வழிபாடு!
ஞாயிறு 29, மார்ச் 2026 10:57:23 AM (IST)
பெண்களுக்கு எதிரான குற்றங்களில் ஒரே நாளில் 3 பேருக்குச் சிறை - நீதிமன்றம் அதிரடி தீர்ப்பு!
ஞாயிறு 29, மார்ச் 2026 8:15:09 AM (IST)
திமுக வேட்பாளர் பட்டியல்: 3 அமைச்சர்களுக்கு மீண்டும் தேர்தலில் போட்டியிட சீட் மறுப்பு!
சனி 28, மார்ச் 2026 5:46:11 PM (IST)
நாகர்கோவில் - இரணியல் இரட்டை ரயில் பாதை பணி: ரயில் போக்குவரத்தில் மாற்றங்கள் அறிவிப்பு!
சனி 28, மார்ச் 2026 5:40:17 PM (IST)
ஓ.பன்னீர்செல்வத்துக்கு போடி: வைத்திலிங்கம், மனோஜ் பாண்டியனுக்கும் தொகுதிகள் ஒதுக்கீடு!
சனி 28, மார்ச் 2026 5:27:45 PM (IST)
தூத்துக்குடியில் கீதா ஜீவன், திருச்செந்தூரில் அனிதா ராதாகிருஷ்ணன் மீண்டும் போட்டி: திமுக வேட்பாளர் பட்டியல்!
சனி 28, மார்ச் 2026 4:23:58 PM (IST)
பிரச்சாரம் செய்ய அனுமதி மறுப்பு: தலைமை தேர்தல் அதிகாரியிடம் தவெக தலைவர் விஜய் நேரில் புகார்!
சனி 28, மார்ச் 2026 3:59:14 PM (IST)
