நாம் தமிழர் கட்சியினர் சட்டப்பேரவை செல்ல வேண்டும் : மக்களுக்கு வேண்டுகோள் விடுத்த சேரன்!

தமிழகச் சட்டமன்ற தேர்தலில் வெற்றி பெற்று நாம் தமிழர் கட்சியினர் சட்டசபைக்கு செல்ல வேண்டும் என்று இயக்குநர் சேரன் தனது முழுமையான ஆதரவை தெரிவித்துள்ளார். 

இது தொடர்பாகத் தனது எக்ஸ் (X) தளத்தில் அவர் வெளியிட்டுள்ள நீண்ட பதிவு அரசியல் வட்டாரத்தில் கவனத்தைப் பெற்றுள்ளது. இயக்குநர் சேரன் தனது பதிவில் குறிப்பிட்டுள்ளதாவது: "சீமானும், அவரது தம்பி - தங்கைகளும் சட்டப்பேரவைக்குச் செல்ல வேண்டும் என்று எனக்குத் தோன்றுகிறது. மக்களின் பணம் சூறையாடப்படுவதைத் தடுத்து, அதை நல்ல திட்டங்களுக்குப் பயன்படுத்த ஆலோசனை வழங்க இவர்களின் குரல் அவசியமானது. மேடைகளில் இவர்களின் முழக்கம் எதிர்கால வாழ்வியலைப் பற்றியே இருப்பதால், இவர்கள் சட்டப்பேரவையில் இருந்தே ஆக வேண்டும்."