தூத்துக்குடியில் குடிபோதையில் மினிபஸ் இயக்கிய ஓட்டுநர்கள் மீது நடவடிக்கை: ‍ 2 பஸ்கள் பறிமுதல்!

» செய்திகள் - விளையாட்டு » தமிழகம்

தூத்துக்குடியில் குடிபோதையில் மினிபஸ் இயக்கிய ஓட்டுநர்கள் மீது நடவடிக்கை: ‍ 2 பஸ்கள் பறிமுதல்!

ஞாயிறு 12, ஏப்ரல் 2026 9:28:03 AM (IST)

தூத்துக்குடி புதிய பேருந்து நிலையம் அருகே குடிபோதையில் அபாயகரமாக மினி பேருந்துகளை இயக்கிய ஓட்டுநர்கள் மற்றும் அவர்களுக்கு உடந்தையாக இருந்த நடத்துநர்கள் மீது போக்குவரத்து போலீசார் கடும் நடவடிக்கை எடுத்துள்ளனர்.

தூத்துக்குடி மாவட்ட காவல் கண்காணிப்பாளர் மதன் உத்தரவுப்படி, நகர் உட்கோட்ட துணை காவல் கண்காணிப்பாளர் சுனில் மேற்பார்வையில், நகர போக்குவரத்து போலீசார் நேற்று மாலை புதிய பேருந்து நிலையம் பகுதியில் தீவிர வாகன சோதனையில் ஈடுபட்டனர்.

அப்போது அந்த வழியாக அசுர வேகத்தில் வந்த இரண்டு மினி பேருந்துகளைப் போலீசார் தடுத்து நிறுத்திச் சோதனை செய்தனர். மூச்சுப் பரிசோதனைக் கருவி மூலம் ஓட்டுநர்களைச் சோதனை செய்தபோது, அவர்கள் இருவரும் மது போதையில் இருப்பது உறுதி செய்யப்பட்டது.

பொதுமக்களின் உயிருக்கு ஆபத்து விளைவிக்கும் வகையில் அபாயகரமாக வாகனம் ஓட்டுதல் மற்றும் குடிபோதையில் வாகனம் ஓட்டுதல் ஆகிய பிரிவுகளின் கீழ் வழக்கு பதிவு செய்யப்பட்டு, தலா ரூ. 15,000 அபராதம் விதிக்கப்பட்டது. மேலும், அந்த ஓட்டுநர்களின் உரிமத்தை ரத்து செய்ய மாவட்ட காவல் கண்காணிப்பாளர் உத்தரவிட்டுள்ளார்.

பேருந்து நடத்துநர்களைச் சோதனை செய்தபோது அவர்களும் குடிபோதையில் இருந்தது தெரியவந்தது. போதையில் வாகனம் இயக்க உடந்தையாக இருந்ததற்காக அவர்கள் மீது வழக்கு பதிவு செய்யப்பட்டு, தலா ரூ. 10,500 அபராதம் விதிக்கப்பட்டது. இதையடுத்து, விதிமுறைகளை மீறிய அந்த இரண்டு மினி பேருந்துகளையும் போலீசார் பறிமுதல் செய்தனர்.

பொதுப் போக்குவரத்து வாகனங்களை இயக்குபவர்கள் மது அருந்திவிட்டுப் பணியில் ஈடுபட்டால், அவர்களின் உரிமம் ரத்து செய்யப்படுவதோடு கடுமையான சட்ட நடவடிக்கைகள் எடுக்கப்படும் என மாவட்ட காவல் கண்காணிப்பாளர் எச்சரித்துள்ளார்.

மக்கள் கருத்து

தமிழன்Apr 12, 2026 - 11:11:31 AM | Posted IP 172.7*****

ஏம்பா.. டாஸ்மாக் ல விற்கிறவன், சாராய ஆலைகளை வச்சிருக்கிறவனை பிடிக்கக்கூடாதா? சொல்றதுக்கு வேற ஒன்னும் இல்லை. இது தான் திராவிடம்.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தூத்துக்குடியில் குடிபோதையில் மினிபஸ் இயக்கிய ஓட்டுநர்கள் மீது நடவடிக்கை: ‍ 2 பஸ்கள் பறிமுதல்!

» செய்திகள் - விளையாட்டு » தமிழகம்