ஜிம்பாப்வேக்கு எதிரான வெற்றி: வைபவ் சூர்யவன்ஷிக்கு கேப்டன் ஸ்ரேயஸ் ஐயர் பாராட்டு!

ஜிம்பாப்வே அணிக்கு எதிரான டி20 கிரிக்கெட் போட்டியில் இந்திய அணி 7 விக்கெட் வித்தியாசத்தில் அபார வெற்றி பெற்றது. இப்போட்டியின் வெற்றிக்குப் பிறகு இந்திய அணியின் கேப்டன் ஸ்ரேயஸ் ஐயர் மகிழ்ச்சி தெரிவித்துப் பேசியுள்ளார்.

போட்டிக்குப் பிந்தைய உரையாடலின் போது ஸ்ரேயஸ் ஐயர் கூறியதாவது: "நமது வீரர்கள் அனைவரும் திட்டமிட்டபடி களத்தில் கச்சிதமாகச் செயல்பட்டனர். இந்திய அணியின் கேப்டனாக எனது முதல் வெற்றியைப் பதிவு செய்ததில் இதைவிட வேறு மகிழ்ச்சி இருக்க முடியாது.    பந்துவீச்சில் மயங்க் யாதவ் சரியான 'லென்த்தில்' (Length) அபாரமாகப் பந்துவீசி அசத்தினார்.

வைபவ் சூர்யவன்ஷியின் பேட்டிங் பிரமாதமாக இருந்தது. அவர் எதற்கும் அஞ்சாத ஒரு துடிப்புமிக்க இளைஞர். அவர் களத்தில் விளையாடிய விதம் மிகவும் அருமையாக இருந்தது. மேலும், அவர் ஏற்கனவே இந்த மைதானத்தில் நடைபெற்ற 19 வயதுக்குட்பட்டோருக்கான (U-19) உலகக் கோப்பை கிரிக்கெட் இறுதிப் போட்டியில் 175 ரன்கள் குவித்து சாதனை படைத்திருந்தார். 

அதனால், இந்த ஆடுகளத்தின் தன்மை பற்றி அவருக்கு ஏற்கனவே நன்றாகத் தெரிந்திருக்கும். களத்தில் இறங்கும்போது அவர் மிகுந்த நம்பிக்கையுடன் காணப்பட்டார்; அதைப் பார்ப்பதற்கே மகிழ்ச்சியாக இருந்தது. இதே மைதானத்தில் இன்னும் இரண்டு போட்டிகளில் விளையாட உள்ளோம். இன்றைய ஆட்டத்தில் அணியினர் வெளிப்படுத்திய இந்த அபாரச் செயல்பாடு, வரவிருக்கும் போட்டிகளுக்கான பெரும் நம்பிக்கையை அனைவருக்கும் அளிக்கும்" என்று ஸ்ரேயஸ் ஐயர் கூறினார்.