» சினிமா » செய்திகள்
ஆஸ்கர் விருது போட்டியிலிருந்து லாபதா லேடீஸ் வெளியேற்றம்!
புதன் 18, டிசம்பர் 2024 3:06:31 PM (IST)

97-வது ஆஸ்கர் விருதுக்கான இறுதி போட்டியில் இருந்து 'லாபதா லேடீஸ்' திரைப்படம் வெளியேற்றப்பட்டு உள்ளது.
சினிமா உலகில் தலைசிறந்த விருது என்பது ஆஸ்கர் விருது ஆகும். உலக அளவில் திரையுலகின் படைப்புகளை அங்கீகரித்து கவுரவப்படுத்தும் உயரிய ஆஸ்கா் விருது ஆண்டுதோறும் பல்வேறு பிரிவுகளில் வழங்கப்படுகிறது. அந்த வகையில் அடுத்த ஆண்டு நடைபெறும் 97-வது ஆஸ்கா் விருதுக்கு சிறந்த வெளிநாட்டு திரைப்படத்துக்கான பிரிவில் இந்தியாவின் 'லாபதா லேடீஸ்' திரைப்படம் தோ்வு செய்யப்பட்டிருந்தது.
மொத்தம் 85 படங்கள் ஆஸ்கர் விருதுக்காக சமர்ப்பிக்கப்பட்டன. அதில் இறுதி பட்டியலுக்காக 15 படங்கள் தேர்ந்தெடுக்கப்பட்டன. அந்த இறுதி பட்டியலில் இருந்து துரதிர்ஷ்டவசமாக கிரண் ராவ் இயக்கிய ' லாபதா லேடீஸ் ' வெளியேற்றப்பட்டது.
இருப்பினும், 'சந்தோஷ்' என்ற மற்றொரு இந்தி திரைப்படம் 'சிறந்த சர்வதேச திரைப்படம்' பிரிவில் இடம் பெற்றது. ஆஸ்கர் விருது போட்டியிலிருந்து 'லாபதா லேடீஸ்' வெளியேற்றப்பட்டநிலையில், நடிகர் அமீர்கானின் தயாரிப்பு நிறுவனம் அறிக்கை ஒன்றை வெளியிட்டுள்ளது. அதில்,
''லாபதா லேடீஸ்' ஆஸ்கர் விருதுக்கான இறுதிப் பட்டியலில் இடம் பெறாதது நிச்சயமாக ஏமாற்றம்தான். ஆனால் எங்கள் படத்தைப் பரிசீலித்ததற்காக அகாடமி உறுப்பினர்கள் மற்றும் எப்.எப்.ஐ நடுவர் மன்றத்திற்கு எங்கள் நன்றியைத் தெரிவித்துக் கொள்கிறோம்.
எங்கள் படத்திற்கு தங்கள் அன்பையும் ஆதரவையும் வெளிப்படுத்திய உலகெங்கிலும் உள்ள அனைத்து ரசிகர்களுக்கும் மனமார்ந்த நன்றி. இது முடிவு அல்ல, முன்னேற்றம்தான். இதைவிட நல்ல கதைகளுக்கு உயிர்கொடுத்து அவற்றை உலகத்துடன் பகிர்ந்து கொள்வதில் நாங்கள் உறுதியாக இருக்கிறோம்' இவ்வாறு தெரிவிக்கப்பட்டுள்ளது.
மக்கள் கருத்து
மேலும் தொடரும் செய்திகள்

வடிவேலு - ஃபஹத் ஃபாசிலின் ‘மாரீசன்’ ஜூலை ரிலீஸ்
புதன் 2, ஏப்ரல் 2025 3:38:10 PM (IST)

சுந்தர்.சி இயக்கத்தில் வடிவேலு நடிக்கும் கேங்கர்ஸ் டிரெய்லர் வெளியானது
செவ்வாய் 1, ஏப்ரல் 2025 5:48:24 PM (IST)

ஜன நாயகன் ஓடிடி உரிமை ரூ.120 கோடிக்கு விற்பனை!
செவ்வாய் 1, ஏப்ரல் 2025 5:05:58 PM (IST)

எம்புரான் படத்தில் முல்லைப் பெரியாறு அணைக்கு எதிரான காட்சிகளை நீக்க வேண்டும் - வேல்முருகன்
திங்கள் 31, மார்ச் 2025 8:35:45 PM (IST)

பாெங்கல் ரேஸில் சிவகார்த்திகேயன் - விஜய் படங்கள் மோதல்?
செவ்வாய் 25, மார்ச் 2025 3:50:05 PM (IST)

பாடல்களில் பெண்களை இழிவுபடுத்துவதா? தெலுங்கு சினிமாவுக்கு, மகளிர் ஆணையம் எச்சரிக்கை!
ஞாயிறு 23, மார்ச் 2025 9:51:12 AM (IST)
