» சினிமா » செய்திகள்
ஆன்லைன் மோசடியில் பணத்தை இழந்த நடிகர் செந்தில் : சைபர் கிரைம் போலீசில் புகார்
திங்கள் 24, பிப்ரவரி 2025 9:34:31 PM (IST)

ஆன்லைன் மோசடியில் ரூ.15 ஆயிரம் இழந்து விட்டதாக சின்னத்திரை நடிகர் செந்தில் சமூக வலைதளத்தில் பதிவிட்டுள்ளார்.
சின்னத்திரையில் ஒளிபரப்பான ‘சரவணன் மீனாட்சி’ என்ற தொடர் மூலம் பிரபலமானவர் செந்தில். தொடர்ந்து பல தொடர்களில் நடித்து பிரபல நடிகராக இருந்து வருகிறார். ‘சரவணன் மீனாட்சி’ என்ற தொடரில் நடித்த போது அவருடன் இணைந்து நடித்த ஸ்ரீஜாவுடன் காதல் உருவாகி இருவரும் திருமணம் செய்து கொண்டனர்.
இந்த நட்சத்திர தம்பதிகளுக்கென தனி ரசிகர்கள் கூட்டமே இருந்து வருகிறது. இந்நிலையில் ஆன்லைன் மோசடியில் ஏமாந்து, ரூ.15 ஆயிரம் இழந்து விட்டதாக சமூக வலைதளத்தில் செந்தில் பதிவிட்டுள்ளார். அவர் ஏமாற்றப்பட்டதை வீடியோவாக வெளியிட்டார்.
அதில் அவர் கூறியிருப்பதாவது: எனக்கு தெரிந்த தொழில் அதிபரான நண்பர் ஒருவர் வாட்ஸ்அப் நம்பரில் இருந்து மெசேஜ் வந்தது. அவர் எனக்கு பெரும்பாலும் மெசேஜ் பண்ணமாட்டார். அதில் ரூ.15 ஆயிரம் கேட்டிருந்தார். நான் டிரைவிங்கில் இருந்ததால் கேட்ட பணத்தை அனுப்பி விட்டேன். ஆனால் அதன் பிறகு பெயரை பார்த்தால் வேறு ஒரு நபர் பெயர் இருந்தது.
அதற்குள் எனது பணம் பறிபோய் விட்டது. இதையடுத்து அவரிடம் போன் மூலம் கேட்ட போது, அவர் தனது வாட்ஸ்அப் ஹேக் செய்யப்பட்டு விட்டது என கூறினார். என்னிடம் மட்டுமல்ல இது போன்று 500 பேரிடம் பணத்தை ஏமாற்றியுள்ளார். இது பற்றி சைபர் கிரைம் போலீசில் புகார் செய்துள்ளேன். அனைவருக்கும் விழிப்புணர்வு ஏற்படுத்தவே இந்த வீடியோவை உங்களிடம் பகிர்ந்துள்ளேன் என கூறியுள்ளார்.
ஆன்லைன் மோசடி பற்றி மத்திய, மாநில அரசுகள் மற்றும் போலீசார் பல வகைகளில் விழிப்புணர்வு ஏற்படுத்தினாலும் ஏமாற்றுபவர்கள் ஏமாற்றிக் கொண்டு தான் இருப்பார்கள் என்பது போல பிரபல நடிகரே பணத்தை பறி கொடுத்திருப்பது அதிர்ச்சியை ஏற்படுத்தி உள்ளது.
மக்கள் கருத்து
மேலும் தொடரும் செய்திகள்

வடிவேலு - ஃபஹத் ஃபாசிலின் ‘மாரீசன்’ ஜூலை ரிலீஸ்
புதன் 2, ஏப்ரல் 2025 3:38:10 PM (IST)

சுந்தர்.சி இயக்கத்தில் வடிவேலு நடிக்கும் கேங்கர்ஸ் டிரெய்லர் வெளியானது
செவ்வாய் 1, ஏப்ரல் 2025 5:48:24 PM (IST)

ஜன நாயகன் ஓடிடி உரிமை ரூ.120 கோடிக்கு விற்பனை!
செவ்வாய் 1, ஏப்ரல் 2025 5:05:58 PM (IST)

எம்புரான் படத்தில் முல்லைப் பெரியாறு அணைக்கு எதிரான காட்சிகளை நீக்க வேண்டும் - வேல்முருகன்
திங்கள் 31, மார்ச் 2025 8:35:45 PM (IST)

பாெங்கல் ரேஸில் சிவகார்த்திகேயன் - விஜய் படங்கள் மோதல்?
செவ்வாய் 25, மார்ச் 2025 3:50:05 PM (IST)

பாடல்களில் பெண்களை இழிவுபடுத்துவதா? தெலுங்கு சினிமாவுக்கு, மகளிர் ஆணையம் எச்சரிக்கை!
ஞாயிறு 23, மார்ச் 2025 9:51:12 AM (IST)
