மணிரத்னம் - ஏ.ஆர். ரஹ்மான்: 34 ஆண்டுகால இசைப் பயணம் முடிவுக்கு வருகிறதா?

» சினிமா » செய்திகள்

மணிரத்னம் - ஏ.ஆர். ரஹ்மான்: 34 ஆண்டுகால இசைப் பயணம் முடிவுக்கு வருகிறதா?

புதன் 18, மார்ச் 2026 11:20:49 AM (IST)

இந்தியத் திரையுலகின் மிகச் சிறந்த வெற்றிக் கூட்டணிகளில் ஒன்றான இயக்குநர் மணிரத்னம் மற்றும் இசைப்புயல் ஏ.ஆர். ரஹ்மான் கூட்டணி, 34 ஆண்டுகளுக்குப் பிறகு உடைய உள்ளதாக வெளியாகியுள்ள தகவல் சினிமா ரசிகர்களிடையே பெரும் அதிர்ச்சியை ஏற்படுத்தியுள்ளது.

மணிரத்னம் தனது ஆரம்பகாலத் திரைப்படங்களான பல்லவி அனுபல்லவி, மௌனராகம், நாயகன், அஞ்சலி மற்றும் தளபதி உள்ளிட்ட படங்களில் இசைஞானி இளையராஜாவுடன் இணைந்து பணியாற்றினார்.

பின்னர், 1992-ம் ஆண்டு ரோஜா படத்தின் மூலம் ஏ.ஆர். ரஹ்மானை அறிமுகப்படுத்தினார். அன்று தொடங்கிய இந்தக் கூட்டணி பம்பாய், உயிரே, அலைபாயுதே, ஆயுத எழுத்து, குரு, ராவணன் மற்றும் சமீபத்திய மெகா ஹிட் படமான பொன்னியின் செல்வன், தற்போது உருவாகி வரும் தக் லைஃப் (Thug Life) வரை சுமார் 20 படங்களுக்கு மேல் தொடர்ந்து நீடித்தது.

தற்போது மணிரத்னம் தனது அடுத்தப் படத்திற்கான ஆயத்தப் பணிகளில் ஈடுபட்டுள்ளார். இந்தப் படத்தில் விஜய் சேதுபதி மற்றும் சாய் பல்லவி ஆகியோர் முதன்மை கதாபாத்திரங்களில் நடிக்க உள்ளதாகக் கூறப்படுகிறது.

பொதுவாக மணிரத்னம் படம் என்றாலே ஏ.ஆர். ரஹ்மான் தான் இசையமைப்பாளர் என்பது எழுதப்படாத விதியாக இருந்தது. ஆனால், இந்தப் புதிய படத்திற்குத் வளர்ந்து வரும் இளம் இசையமைப்பாளர் சாய் அபயங்கர் இசையமைக்க உள்ளதாகத் தகவல்கள் வெளியாகியுள்ளன.

சுயாதீன இசைக் கலைஞராக அறியப்பட்ட சாய் அபயங்கர், சமீபத்தில் வெளியான டியூட் மற்றும் பல்டி பாடல்கள் மூலம் மிகவும் பிரபலமானார். தற்போது இவர் சிம்பு நடிக்கும் படம், தனுஷ் தயாரிக்கும் படம், அட்லி தயாரிப்பில் உருவாகும் படங்கள் உள்ளிட்ட பல முக்கியத் திரைப்படங்களுக்கு இசையமைத்து வருகிறார். இந்த வரிசையில் மணிரத்னம் படத்திலும் அவர் இணைய உள்ளதாகக் கூறப்படுகிறது.

மணிரத்னம் - ஏ.ஆர். ரஹ்மான் கூட்டணி என்பது வெறும் வணிக ரீதியானது மட்டுமல்ல, அது ஒரு உணர்வுப்பூர்வமான இசைப் பயணம். தற்போது இளைய தலைமுறை இசையமைப்பாளர்களை நோக்கி மணிரத்னம் நகர்வது, அவரது கதைக் களத்தின் மாற்றமா அல்லது ஒரு புதிய பரிசோதனையா என்ற விவாதம் கிளம்பியுள்ளது. எனினும், இது குறித்து அதிகாரப்பூர்வ அறிவிப்பு இன்னும் வெளியாகவில்லை.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மணிரத்னம் - ஏ.ஆர். ரஹ்மான்: 34 ஆண்டுகால இசைப் பயணம் முடிவுக்கு வருகிறதா?

» சினிமா » செய்திகள்