» செய்திகள் - விளையாட்டு » இந்தியா
தமிழக மக்கள் ஸ்டாலினுக்கு மீண்டும் ஒருமுறை வெற்றியைப் பரிசளிப்பார்கள்: கெஜ்ரிவால் நம்பிக்கை!
திங்கள் 20, ஏப்ரல் 2026 11:45:23 AM (IST)
"தமிழக மக்கள் ஸ்டாலினுக்கு மீண்டும் ஒருமுறை மிகப்பெரிய பெரும்பான்மையுடன் வெற்றியைப் பரிசளிப்பார்கள்" என்று அரவிந்த் கெஜ்ரிவால் நம்பிக்கை தெரிவித்தார்.
தமிழக சட்டப்பேரவைத் தேர்தல் களம் இறுதிக்கட்டத்தை எட்டியுள்ள நிலையில், திமுக தலைமையிலான கூட்டணிக்கு ஆதரவாகப் பிரச்சாரம் செய்ய ஆம் ஆத்மி கட்சியின் தேசிய ஒருங்கிணைப்பாளர் அரவிந்த் கெஜ்ரிவால் சென்னை வந்துள்ளார்.
மத்திய அரசு கொண்டு வந்த 131-ஆவது அரசியலமைப்புத் திருத்தச் சட்டத்தை (தொகுதி மறுவரையறை தொடர்பான மசோதா), தமிழக எம்பிக்கள் நாடாளுமன்றத்தில் கடுமையாக எதிர்த்து முறியடித்தது நாடு முழுவதும் பெரும் அதிர்வலைகளை ஏற்படுத்தியிருந்தது. இந்தச் சூழலில், முதல்வர் ஸ்டாலினுக்கு ஆதரவாகப் பிரச்சாரம் செய்ய வந்ததற்கான காரணத்தை கெஜ்ரிவால் விளக்கியுள்ளார்.
ஸ்டாலின் எனது சகோதரர்!
நேற்றிரவு சென்னை வந்தடைந்த அரவிந்த் கெஜ்ரிவால் செய்தியாளர்களிடம் கூறியதாவது: "டெல்லியில் நாங்கள் செய்த நல்ல பணிகளை மத்திய பாஜக அரசு திட்டமிட்டுச் சிதைத்துவிட்டது. அந்த கசப்பான அனுபவங்களை நான் தமிழக மக்களிடம் பகிர்ந்து கொள்ள விரும்புகிறேன். முதல்வர் ஸ்டாலின் எனது சிறந்த நண்பர் மட்டுமல்ல, அவர் எனக்கு ஒரு சகோதரரைப் போன்றவர்.
இருப்பினும், நான் அவருக்காகப் பிரச்சாரம் செய்ய வந்ததற்கு முக்கியக் காரணம், கடந்த ஐந்தாண்டுகளில் அவர் தமிழ்நாட்டிற்குச் செய்துள்ள மகத்தான பணிகளே ஆகும். வரும் திங்கள்கிழமை நடைபெறும் பொதுக்கூட்டத்தில் இது குறித்து மக்களிடம் விரிவாகப் பேசுவேன். மேலும், "தமிழக மக்கள் ஸ்டாலினுக்கு மீண்டும் ஒருமுறை மிகப்பெரிய பெரும்பான்மையுடன் வெற்றியைப் பரிசளிப்பார்கள்" என்றும் அவர் நம்பிக்கை தெரிவித்தார்.
மக்கள் கருத்து
மேலும் தொடரும் செய்திகள்

ஓடும் காரில் திடீர் தீ; சிசுவுடன் இளம்பெண் பலியான கொடூரம் - போலீஸ் விசாரணை!
ஞாயிறு 17, மே 2026 11:49:21 AM (IST)

மருத்துவ உலகில் பெரு வியப்பு: 5 நாட்கள் போராடி 4 குழந்தைகளை சுகப்பிரசவத்தில் பெற்றெடுத்த பெண்!
சனி 16, மே 2026 5:24:58 PM (IST)

பிரதமரின் வேண்டுகோளை மீறி வாகன ஊர்வலம்: பாஜக பிரமுகர் மீது ம.பி முதல்வர் நடவடிக்கை
சனி 16, மே 2026 12:44:51 PM (IST)

போர் பதற்றங்களுக்கு இடையிலும் உயர்ந்த இந்தியாவின் அந்நியச் செலாவணி: ரிசர்வ் வங்கி அறிக்கை
சனி 16, மே 2026 12:21:02 PM (IST)

மத்திய அரசின் வெளியுறவுக் கொள்கை தோல்வி : கர்நாடக துணை முதல்வர் டி.கே.சிவக்குமார் சாடல்!
சனி 16, மே 2026 8:32:00 AM (IST)

அடுத்த ஆண்டு முதல் ஆன்லைனில் நீட் தேர்வு: மத்திய அமைச்சர் தர்மேந்திர பிரதான் அறிவிப்பு!
வெள்ளி 15, மே 2026 12:44:50 PM (IST)



srinivasanApr 21, 2026 - 04:24:32 PM | Posted IP 162.1*****