மாநில யோகா போட்டி: ஆக்ஸ்போர்டு பப்ளிக் பள்ளி மாணவர் முதலிடம்!

குற்றாலத்தில் நடைபெற்ற மாநில அளவிலான யோகா போட்டியில் குத்துக்கல்வலசை ஆக்ஸ்போர்டு பப்ளிக் பள்ளி மாணவர் சாய் விஜய் முதலிடம் பெற்றார்.

தென்காசி மாவட்டம் குற்றாலம் கலைவாணர் கலையரங்கில் அனுசாரா யோகா விளையாட்டு மேம்பாட்டு கழகம், இந்தியன் யோகா சங்கம் சார்பில் மாநில அளவிலான யோகா போட்டி நடைபெற்றது. இப்போட்டியில் மாநிலத்தின் பல்வேறு பள்ளிகளைச் சேர்ந்த திரளான மாணவ, மாணவிகள் கலந்து கொண்டனர். இப்போட்டியில் பங்கேற்ற குத்துக்கல்வலசை ஆக்ஸ்போர்டு பப்ளிக் பள்ளி மாணவர் கே.ஆர்.சாய் விஜய் முதலிடம் பெற்றார். இவருக்கு பரிசு, கேடயம் மற்றும் சான்றிதழ் வழங்கப்பட்டது.

வெற்றி பெற்ற மாணவரை ஆக்ஸ்போர்டு கல்வி குழும சட்ட ஆலோசகரும் உச்சநீதிமன்ற வழக்கறிஞருமான கே.திருமலை, பள்ளி தாளாளர் அன்பரசி திருமலை, பள்ளி சட்ட ஆலோசகரும் உச்சநீதிமன்ற வழக்கறிஞருமான தி.மிராக்ளின் பால் சுசி மற்றும் ஆசிரிய ஆசிரியைகள் பாராட்டினர்.