மண்டல சிலம்பம் போட்டி: ஆக்ஸ்போர்டு பப்ளிக் பள்ளி வெற்றி!

கோவில்பட்டியில் நடைபெற்ற மண்டல அளவிலான சிலம்பம் போட்டியில் தென்காசி குத்துக்கல்வலசை ஆக்ஸ்போர்டு பப்ளிக் சீனியர் செகண்டரி பள்ளி தங்கம், வெள்ளி மற்றும் வெண்கலப் பதக்கங்களை பெற்றது.

கோவில்பட்டியில் எம்எஸ்எஸ்சி ஸ்போட்ஸ் சார்பில்  2024-2025 மண்டலம் 2 சிலம்பம் போட்டி நடைபெற்றது. இப்போட்டியில் பல்வேறு பள்ளிகளைச் சேர்ந்த திரளான மாணவ, மாணவிகள் கலந்து கொண்டனர். இப் போட்டியில் பங்கேற்ற தென்காசி குத்துக்கல்வலசை ஆக்ஸ்போர்டு பப்ளிக் சீனியர் செகண்டரி பள்ளி மாணவர் சிவஹரி சங்கரன் முதலிடம் பெற்று தங்கப்பதக்கமும், மாணவர்கள்; ஹரி இளங்கவி, வெற்றி பிரகாஷ் ஆகியோர் இரண்டாமிடம் பெற்று வெள்ளிப் பதக்கமும், மாணவி அகல்யா மூன்றாமிடம் பெற்று வெண்கலப் பதக்கமும் பெற்றனர். 

இவர்களுக்கு பதக்கம் மற்றும் சான்றிதழ் வழங்கப்பட்டது. பதக்கங்கள் பெற்ற மாணவர்களை ஆக்ஸ்போர்டு கல்வி குழும சட்ட ஆலோசகரும் உச்சநீதிமன்ற வழக்கறிஞருமான கே.திருமலை, பள்ளி தாளாளர் அன்பரசி திருமலை, பள்ளி சட்ட ஆலோசகரும் உச்சநீதிமன்ற வழக்கறிஞருமான தி.மிராக்ளின் பால் சுசி, பள்ளி சீனியர் முதல்வர் ஜெயஜோதி பிளாரன்ஸ், முதல்வர் சௌமியா மற்றும் ஆசிரிய, ஆசிரியைகள் பாராட்டினர்.