திருநெல்வேலி ஆட்சியர் அலுவலகத்தில் பேட்டரி வாகனம்: ஆட்சியர் தொடங்கி வைத்தார்

திருநெல்வேலி மாவட்ட ஆட்சியர் அலுவலக கூட்டரங்கில், இன்று (25.11.2024) மக்கள் குறைதீர்க்கும் நாள் கூட்டம் மாவட்ட ஆட்சித் தலைவர் மருத்துவர் கா.ப.கார்த்திகேயன், தலைமையில் நடைபெற்றது. இன்று நடைபெற்ற மக்கள் குறைதீர்க்கும் நாள் கூட்டத்தில் பொதுமக்களின் கோரிக்கையின் தன்மைக்கேற்ப மனுக்கள் பதிவு செய்யப்பட்டதோடு, அம்மனுக்களை சம்மந்தப்பட்ட துறை அலுவலர்களிடம் அளிக்கும் வகையிலும், முக்கிய கோரிக்கைகள் மற்றும் பொது பிரச்சனைகள் தொடர்பான மனுக்களை மாவட்ட ஆட்சித் தலைவர் அவர்களிடம் அளிப்பதற்கான வசதிகளும் செய்யப்பட்டிருந்தது.

மாவட்ட ஆட்சித் தலைவர் இன்று நடைபெற்ற மக்கள் குறைதீர்க்கும் நாள் கூட்டத்தில் கோரிக்கை மனுக்களை பெற்றுக் கொண்டு, பொதுமக்களின் கோரிக்கை மனுக்கள் மீது உடனடியாக நடவடிக்கை எடுக்க சம்பந்தப்பட்ட அலுவலர்களுக்கு உத்தரவிட்டார்கள்.

தொடர்ந்து மாற்றுத்திறனாளிகள், முதியோர்கள் கொக்கிரகுளம் பேருந்து நிறுத்தத்தில் இருந்து மாவட்ட ஆட்சியர் அலுவலகத்திற்கு எளிதாக வந்துசெல்லும் வகையில் ரூ.3.5 இலட்சம் மதிப்பிலான கட்டணமில்லா பேட்டரி வாகனத்தை மாவட்ட ஆட்சித் தலைவர் கார்த்திகேயன், தொடங்கி வைத்து பார்வையிட்டார்கள்.

இக்கூட்டத்தில், மாவட்ட வருவாய் அலுவலர் மா.சுகன்யா, மாவட்ட ஊருக வளர்ச்சி முகமை திட்ட இயக்குநர் சரவணன், தனித்துணை ஆட்சியர் (ச.பா.தி) ஜெயா, மற்றும் அனைத்துத்துறை சார்ந்த அலுவலர்கள் உட்பட பலர் கலந்து கொண்டனர்.