» செய்திகள் - விளையாட்டு » மாவட்ட செய்தி (திருநெல்வேலி)
வாக்காளர் பட்டியலில் பெயர் இல்லையா? மார்ச் 26-க்குள் விண்ணப்பிக்க ஆட்சியர் அறிவுறுத்தல்!
திங்கள் 23, மார்ச் 2026 10:36:36 AM (IST)
வாக்காளர் பட்டியலில் பெயர் இல்லாதவர்கள் வருகிற 26 ஆம் தேதிக்குள் விண்ணப்பிக்க வேண்டும் என்று மாவட்ட தேர்தல் அலுவலர் மற்றும் மாவட்ட ஆட்சியர் இரா.சுகுமார் அறிவுறுத்தியுள்ளார்.
தமிழகச் சட்டமன்றப் பொதுத்தேர்தல் 2026-ஐ முன்னிட்டு, திருநெல்வேலி மாவட்டத்தில் உள்ள 5 சட்டமன்றத் தொகுதிகளிலும் தகுதிவாய்ந்த அனைத்து வாக்காளர்களும் வாக்காளர் பட்டியலில் தங்கள் பெயர் இருப்பதை உறுதி செய்ய வேண்டும் என மாவட்ட தேர்தல் அலுவலரும், மாவட்ட ஆட்சியருமான மரு. இரா. சுகுமார் தெரிவித்துள்ளார்.
பொதுமக்கள் https://electoralsearch.eci.gov.in என்ற இந்திய தேர்தல் ஆணையத்தின் அதிகாரப்பூர்வ இணையதளத்திற்குச் சென்று, வாக்காளர் பட்டியலில் தங்கள் பெயர் இடம் பெற்றுள்ளதா என்பதைச் சரிபார்த்துக் கொள்ளலாம். இது குறித்த விழிப்புணர்வு நிகழ்ச்சிகள் மாவட்டம் முழுவதும் நடத்தப்பட்டு வருகின்றன.
18 வயது பூர்த்தியடைந்தவர்கள் மற்றும் இதுவரை வாக்காளர் பட்டியலில் பெயர் இல்லாதவர்கள் அனைவரும் விண்ணப்பிக்கலாம். வரும் 26.03.2026-க்குள் விண்ணப்பங்களைச் சமர்ப்பிக்க வேண்டும். நேரடி விண்ணப்பம்: சம்பந்தப்பட்ட வாக்காளர் பதிவு அலுவலர் அலுவலகத்தில் படிவம்-6 (Form-6) பெற்று பூர்த்தி செய்து சமர்ப்பிக்கலாம்.
இணையதளம் வாயிலாக: https://www.voters.eci.gov.in என்ற இணையதளத்தின் மூலம் எளிதாகப் பதிவு செய்யலாம். கூகுள் பிளே ஸ்டோரில் (Google Play Store) உள்ள 'Voter Helpline' (செய்தியில் குறிப்பிடப்பட்டுள்ள ECINet என்பதற்குப் பதிலாக இதுவே சரியான செயலி) என்ற செயலியைப் பதிவிறக்கம் செய்து பயன்படுத்தலாம்.
உதவிக்குத் தொடர்பு கொள்ள: வாக்காளர் பட்டியல் தொடர்பான சந்தேகங்கள் மற்றும் கூடுதல் தகவல்களுக்கு மாவட்டக் கட்டுப்பாட்டு அறையின் இலவசத் தொலைபேசி எண்ணான 1950-ஐத் தொடர்பு கொள்ளலாம் என மாவட்ட ஆட்சியர் தனது செய்திக்குறிப்பில் தெரிவித்துள்ளார்.
மக்கள் கருத்து
மேலும் தொடரும் செய்திகள்
தந்தை கொலையில் குற்றவாளிகள் பிடிபடாததால் விரக்தி: மகள் தற்கொலை!
திங்கள் 23, மார்ச் 2026 12:34:43 PM (IST)
நெல்லையப்பர் கோவிலில் பங்குனி உத்திரத் திருவிழா கொடியேற்றத்துடன் தொடங்கியது!
திங்கள் 23, மார்ச் 2026 12:31:04 PM (IST)
அரசு குடியிருப்பில் திமுக தேர்தல் அலுவலகம்? தேர்தல் அதிகாரி அதிரடி உத்தரவால் சீல் வைப்பு!
திங்கள் 23, மார்ச் 2026 10:21:46 AM (IST)
வீட்டின் கதவை உடைத்து 31 பவுன் நகை கொள்ளை : மர்ம நபர்களுக்கு போலீஸ் வலைவீச்சு!
ஞாயிறு 22, மார்ச் 2026 9:52:09 AM (IST)
திருநெல்வேலி, அம்பாசமுத்திரம் தொகுதிகளில் தேர்தல் செலவின பார்வையாளர் ஆய்வு
சனி 21, மார்ச் 2026 4:39:16 PM (IST)
கல்லிடைக்குறிச்சியில் ரமலான் சிறப்புத் தொழுகை: ஆயிரக்கணக்கானோர் பங்கேற்பு
சனி 21, மார்ச் 2026 12:44:36 PM (IST)
பங்குனி உத்திரத் திருவிழா: ஏப்ரல் 1-ம் தேதி தென்காசி மாவட்டத்திற்கு உள்ளூர் விடுமுறை!
வெள்ளி 20, மார்ச் 2026 5:03:53 PM (IST)
