தூத்துக்குடி - மேட்டுப்பாளையம் ரயில் சேவை: மத்திய அரசுக்கு பாஜக நன்றி!!

தூத்துக்குடி - மேட்டுப்பாளையம் ரயில் சேவைக்கு ஒப்புதல் அளித்துள்ள மத்திய அரசுக்கு தெற்கு மாவட்ட பாஜக தலைவர் சித்ராங்கதன் நன்றி தெரிவித்துள்ளார். 

இது தொடர்பாக அவர் வெளியிட்டுள்ள அறிக்கையில், "தூத்துக்குடி - மேட்டுப்பாளையம் வரை வாரம் இரண்டு முறையும், திருநெல்வேலி பாலக்காடு பாலருவி விரைவு ரயில் தூத்துக்குடி வரை நீட்டிப்பு ஆகிய கோரிக்கைகளை நமது ரயில்வே துறை ஒப்புதல் அளித்துள்ளது. அதனை விரைவுபடுத்தி தர வேண்டும் என்று தூத்துக்குடி தெற்கு மாவட்ட பாரதிய ஜனதா கட்சி சார்பாக மத்திய இணை அமைச்சர் எல்.முருகனிடம் கோரிக்கை மனு கொடுத்து இருந்தோம். 

இந்நிலையில் முதற்கட்டமாக வருகிற 19.07.2024 வெள்ளிக்கிழமை காலை 9.00 மணிக்கு மேட்டுப்பாளையம் தூத்துக்குடி ரயில் சேவையை வாரம் இரண்டு முறை மத்திய இணை அமைச்சர் முருகன் மேட்டுப்பாளையம் ரயில்வே நிலையத்திலிருந்து துவக்கி வைக்கிறார். 

நாங்கள் வைத்த கோரிக்கையினை ஏற்று உடனடியாக ஒப்புதல் வழங்கிய பாரத பிரதமர் நரேந்திரமோடி, மத்திய ரயில்வே அமைச்சர் அஸ்வினி வைஷ்னவ், தகவல் மற்றும் ஒலிபரப்பு அமைச்சகம் மற்றும் பாராளுமன்ற விவகாரத்துறை இணை அமைச்சர் முருகன் ஆகியோருக்கு பாஜக சார்பில் நன்றியை தெரிவித்துக் கொள்கிறோம் என்று அறிக்கையில் தெரிவிக்கப்பட்டுள்ளது.