அனுமன் ஜெயந்தி விழா: இளநீரை பற்களால் உரித்து தலையில் உடைத்து பக்தர்கள் வழிபாடு

» செய்திகள் - விளையாட்டு » தமிழகம்

அனுமன் ஜெயந்தி விழா: இளநீரை பற்களால் உரித்து தலையில் உடைத்து பக்தர்கள் வழிபாடு

செவ்வாய் 31, டிசம்பர் 2024 8:13:18 AM (IST)

திருச்செந்தூரில் அனுமன் ஜெயந்தி விழாவையொட்டி, இளநீரை பற்களால் உரித்து தலையில் உடைத்து பக்தர்கள் பக்தி பரவசத்துடன் வழிபட்டனர்.

அனுமன் ஜெயந்தி விழா நேற்று கொண்டாடப்பட்டது. இதையொட்டி திருச்செந்தூர் சரவணப்பொய்கை சாலையில் உள்ள ராமதூத யோக ஆஞ்சநேயர் கோவிலில் காலையில் ஆஞ்சநேயருக்கு சிறப்பு அபிஷேகம், அலங்கார தீபாராதனை நடந்தது.

தொடர்ந்து கோவில் முன்பு குவித்து வைக்கப்பட்டு இருந்த 1500-க்கும் மேற்பட்ட இளநீரை ஏராளமான பக்தர்கள் ஆஞ்சநேயரை போன்று பக்தி பரவசத்துடன் தங்களது பற்களால் உரித்தனர். பின்னர் அவற்றை தங்களது தலையிலே உடைத்து இளநீரை பருகினர். கோவிலுக்கு வந்த மற்ற பக்தர்களுக்கும் இளநீரை பிரசாதமாக கொடுத்தனர். சில பெண்களும் ஆஞ்சநேயரை போன்று இளநீரை பற்களால் உரித்து, தங்களது தலையில் உடைத்து வழிபட்டனர்.

பக்தர்கள் தலையில் உடைத்து வழங்கிய இளநீரை, கோவிலுக்கு குழந்தை வரம் வேண்டி வந்த பெண்கள் மடியேந்தி பெற்று பருகினர். விழாவில் திரளான பக்தர்கள் கலந்து கொண்டனர். இதேபோன்று திருச்செந்தூர் சண்முகபுரம் ஆஞ்சநேயர் கோவிலிலும் சிறப்பு அபிஷேகம், அலங்காரமாகி தீபாராதனை நடைபெற்றது.

அனுமன் ஜெயந்தி விழாவை முன்னிட்டு தூத்துக்குடி வைகுண்டபதி பெருமாள் கோயிலில் உள்ள அனுமன் சுவாமிக்கு வெற்றிலை - வடை மாலைகள் சாத்தப்பட்டு சிறப்பு பூஜை நடைபெற்றது. இதில் திரளான பக்தர்கள் கலந்து கொண்டு வழிபட்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

அனுமன் ஜெயந்தி விழா: இளநீரை பற்களால் உரித்து தலையில் உடைத்து பக்தர்கள் வழிபாடு

» செய்திகள் - விளையாட்டு » தமிழகம்