விஜயகாந்துக்கு பத்ம பூஷண் விருது அறிவிப்பு : பத்ம விருதுகள் முழு பட்டியல்

கலைத்துறையில் சிறந்த சேவையாற்றியதற்காக விஜயகாந்த்-க்கு மத்திய அரசால் பத்மபூஷண் விருது அறிவிக்கப்பட்டுள்ளது.

உடல்நலக்குறைவு காரணமாக விஜயகாந்த் கடந்தாண்டு டிச.28 ஆம் தேதி காலமானார். அவரது மறைவுக்குப் பிறகு அவருக்கு பத்ம பூஷண் அறிவிக்கப்பட்டுள்ளது.

இந்திய அரசு ஆண்டுதோறும் பல்வேறு துறைகளில் சிறந்து விளங்கும் நபர்களுக்கு பத்ம விருதுகள் வழங்கி கெளரவிக்கிறது. அந்த வகையில் 2024-ம் ஆண்டுக்கான பத்மஸ்ரீ, பத்ம பூஷண், பத்ம விபூஷண் முதலிய பத்ம விருதுகள் அறிவிக்கப்பட்டுள்ளன. மொத்தமாக 132 பேருக்கு பத்ம விருதுகள் அறிவிக்கப்பட்டுள்ளன.இதில் தமிழகத்தை சேர்ந்த 8 பேர் பத்ம விருதுகள் அறிவிக்கப்பட்டுள்ளன. கலை, இலக்கியம், விளையாட்டு, மருத்துவம் உள்ளிட்ட துறைகளில் சிறப்பான பங்களிப்பை அளித்த தமிழகத்தை சேர்ந்தவர்கள் இந்த விருது அறிவிக்கப்பட்டுள்ளது.

கலை, சமூகப் பணி, பொது விவகாரங்கள், அறிவியல் மற்றும் பொறியியல், வர்த்தகம் மற்றும் தொழில், மருத்துவம், இலக்கியம் மற்றும் கல்வி, விளையாட்டு, குடிமைப்பணி போன்ற பல்வேறு பிரிவுகள் மற்றும் துறைகளில் சிறப்பாக பணியாற்றுவோருக்கு பத்ம விருதுகள் வழங்கப்படுகின்றன. குடியரசு தினத்தை முன்னிட்டு 2024-ம் ஆண்டுக்கான பத்ம விருதுகள் மொத்தம் 132 பேருக்கு அறிவிக்கப்பட்டுள்ளது. 

இதில் தமிழகத்தை சேர்ந்த வைஜெயந்திமாலா, பத்மா சுப்ரமண்யம், விஜயகாந்த், பத்திரப்பன், ஜோஷ்னா சின்னப்பா, ஜோ டி குரூஸ், ஜி. நாச்சியார், சேசம்பட்டி டி.சிவலிங்கம் ஆகியோருக்கு பத்ம விருதுகள் அறிவிக்கப்பட்டுள்ளது.

இந்தியாவின் முதல் பெண் யானை பராமரிப்பாளர் (பாகன்), தமிழகத்தின் கோவையை சேர்ந்த வள்ளி ஒயில் கும்மி நடன கலைஞர் என பல்வேறு தளங்களில் இயங்கி வருபவர்களுக்கு விருது அறிவிக்கப்பட்டுள்ளது. வரும் ஏப்ரல் மற்றும் மே மாதங்களில் இந்த விருதுகள் வழங்கப்படும் என தகவல். சிரஞ்சீவி, பத்மா சுப்ரமண்யம், வெங்கய்ய நாயுடு என பெருவாரியான மக்களால் அறியப்படுபவர்களுக்கும் விருதுகள் அறிவிப்பு.

வைஜெயந்திமாலா - கலை, தமிழகம்

சிரஞ்சீவி - கலை, ஆந்திரா

வெங்கய்ய நாயுடு - பொது விவகாரங்கள், ஆந்திரா

பிந்தேஷ்வர் பதக் - சமூக சேவகர், பிஹார்

பத்மா சுப்ரமண்யம் - கலை, தமிழகம்

பத்ம பூஷண் விருது

ஃபாத்திமா ஃபீவி - பொது விவகாரங்கள், கேரளா

ஹோர்முஸ்ஜி - இலக்கியம் மற்றும் கல்வி, மகாராஷ்டிரா

மிதுன் சக்ரவர்த்தி - கலை, மேற்கு வங்கம்

சீதாராம் ஜிண்டல் - வர்த்தகம் மற்றும் தொழில் துறை, கர்நாடகா

யங் லியு - வர்த்தகம் மற்றும் தொழில் துறை, தைவான்

அஷ்வின் பாலசந்த் மேத்தா - மருத்துவம், மகாராஷ்டிரா

சத்யபிரதா முகர்ஜி - பொது விவகாரங்கள், மேற்கு வங்கம்

ராம் நாயக் - பொது விவகாரங்கள், மகாராஷ்டிரா

தேஜஸ் மதுசூதன் படேல் - மருத்துவம், குஜராத்

ராஜகோபால் - பொது விவகாரங்கள், கேரளா

தத்தாத்ரே அம்பாதாஸ் - கலை, மகாராஷ்டிரா

டோக்டன் ரின்போச்சே - ஆன்மிகம், லடாக்

பியாரேலால் சர்மா - கலை, மகாராஷ்டிரா

சந்திரேஷ்வர் பிரசாத் தாக்கூர் - மருத்துவம், பிஹார்

உஷா உதுப் - கலை, மேற்கு வங்கம்

விஜயகாந்த் - கலை, தமிழகம்

குந்தன் வியாஸ் - இலக்கியம் மற்றும் கல்வி, மகாராஷ்டிரா (இதில் பிந்தேஷ்வர், ஃபாத்திமா, ஃபீவி, சத்யபிரதா முகர்ஜி, டோக்டன் ரின்போச்சே, விஜயகாந்த் உள்ளிட்ட ஐந்து பேருக்கு அவர்களது மறைவுக்கு பிறகு பத்ம விபூஷண் அறிவிக்கப்பட்டுள்ளது)