மதுரை ரயில்வே கோட்டத்தில் தீபாவளி விடுமுறைக்காக சிறப்பு ரயில்கள்

மதுரை ரயில்வே கோட்டத்தில் தீபாவளி விடுமுறைக்காக சிறப்பு ரயில்கள் அறிவிக்கப்பட்டுள்ளன.

மதுரை கோட்ட ரயில்வே சார்பில் தீபாவளி பண்டிகை கால கூட்ட நெரிசலை சமாளிக்க சிறப்புக்கட்டண மற்றும் பண்டிகை கால கட்டண சிறப்பு ரயில்களை இயக்குகிறது. அதன்படி, நாகர்கோவில்-தாம்பரம் சிறப்பு ரயில் (வ.எண்.06012) வருகிற 26-ந் தேதி வரையும், தாம்பரம்-நாகர்கோவில் சிறப்பு ரயில் (வ.எண்.06011) வருகிற 27-ந் தேதி வரையும் இயக்கப்படுகின்றன..

சென்னை சென்டிரல்-நெல்லை எக்ஸ்பிரஸ் ரயில் (வ.எண்.06051/06052) இரு மார்க்கங்களிலும் வருகிற 23-ந் தேதி வரையிலும், நாகர்கோவில்-பெங்களூரு எஸ்.எம்.வி.டி. சிறப்பு ரயில் (வ.எண்.06067/06068) இரு மார்க்கங்களிலும் வருகிற 22-ந் தேதி வரையிலும், தாம்பரம்-நாகர்கோவில் ரயில் (வ.எண்.06061) வருகிற 24-ந் தேதி வரையிலும், நெல்லை-சென்னை சிறப்பு ரயில் (வ.எண்.06069/06070) இரு மார்க்கங்களிலும் வருகிற 24-ந் தேதி வரையிலும்,

சென்னை-நெல்லை சிறப்பு ரயில் (வ.எண்.06055) இரு மார்க்கங்களிலும் வருகிற 14-ந் தேதி வரையிலும், நெல்லை-சென்னை சிறப்பு ரயில் (வ.எண்.06001/06002) இரு மார்க்கங்களிலும் நாளை(திங்கட்கிழமை) வரை, மங்களூரு சென்டிரல்- தாம்பரம் சிறப்பு ரயில் (வ.எண்.06065) வருகிற 25-ந் தேதி வரையிலும், திண்டுக்கல்-கோவை (பழனி, பொள்ளாச்சி) சிறப்புக்கட்டண முற்றிலும் பொதுப்பெட்டிகளை கொண்ட ரயில் (வ.எண்.06077/06078) இரு மார்க்கங்களிலும் வருகிற 14-ந் தேதி வரையும் இயக்கப்படுகின்றன.

இந்த சிறப்பு ரயில்களில் வழக்கமான கட்டணத்தை விட 1.2 மடங்கு கூடுதல் கட்டணம் வசூலிக்கப்படும்.