மானியத்துடன் பில்டர் காபி நிலையம் அமைக்க ஆன்லைனில் விண்ணப்பிக்கலாம்: ஆட்சியர்

திருநெல்வேலி மாவட்டத்தில் மானியத்துடன் ஆவின் பாலகம் / பில்டர் காபி நிலையம் அமைக்க ஆன்லைனில் விண்ணப்பிக்கலாம் என மாவட்ட ஆட்சியர் கார்த்திகேயன் தெரிவித்துள்ளார்.

இது தொடர்பாக அவர் வெளியிட்ட செய்திக்குறிப்பில், "தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக்கழக (தாட்கோ) மூலமாக ஆதிதிராவிடர்கள் மற்றும் பழங்குடியினர்கள் தங்கள் வாழ்வாதாரத்தை மேம்படுத்திட புதிதாக தொழில் தொடங்குவதற்கு ஏதுவாக திருநெல்வேலி மாவட்டத்தில் ஆவின் பாலகம் / பில்டர் காபி நிலையம் அமைத்திட மானித்துடன் கூடிய விண்ணப்பங்கள் வரவேற்கப்படுகிறது.

மேற்படி இத்தொழிலை தொடங்க சொந்தமாக அல்லது வாடகையில் காலி இடமோ அல்லது கட்டிடங்கள் வைத்திருப்பவர்களுக்கு ஆவின் பாலகம்/ பில்டர் காபி நிலையம் அமைக்கவும், தொழில் முனைவோர்கள் அல்லது அவர்களின் ஊழியர்களுக்கு தேவையான பயிற்சியும் உரிமையாளர் கட்டணம் (Franchise Fees) ரூ.2.00 இலட்சம் முற்றிலுமாக விலக்களிக்கப்டும். காபி விற்பனை செய்ய வாங்கும் பொருட்களுக்கு 5% வரை சிறப்பு தள்ளுபடியும், பில்டர் காபி நிறுவனத்தின் மூலம் வழங்கப்படும.

மேலும் மாதாந்திர பில்லிங் மென்பொருள் கட்டணம் விலக்கு அளிக்கப்படும.; இத்தொழிலினை செய்ய திட்ட அறிக்கை தயார் செய்ய இலவச ஆலோசனைகள் அந்நிறுவனத்தின் மூலம் அளிக்கப்படும். அரசு புறம்போக்கு இடங்களுக்கு இச்சலுகை பொருந்தாது.18 முதல் 40 வயதுக்குட்பட்ட ஆதிதிராவிடர்கள் மற்றும் பழங்குடியினர்கள் தாட்கோ மூலம் மானியத்துடன் கூடிய கடனுதவி பெற புகைப்படம் மற்றும் குறிப்பிட்ட சான்றுகளுடன் www.tahdco.com என்ற இணையதளத்தில் விண்ணப்பிக்கலாம். 

இத்தொழிலுக்கு ரூ.6.50 இலட்சம் முதல் ரூ.7.50 இலட்சம் வரை திட்டத்தொகையினை நிர்ணயித்து இதற்குரிய மானியமாக ஆதிதிராவிடர்களுக்கு 30% மும் அல்லது அதிகபட்சம் ரூ.2.25 இலட்சம் எனவும் பழங்குடியினருக்கு 50% அல்லது அதிகபட்சமாக ரூ.3.75 இலட்சம் வரை மானியம் வழங்கப்படும். பயனாளி 5% முதல் 10% சொந்த முதலீடு வங்கியில் செலுத்தி எஞ்சிய தொகை வங்கி கடனுதவி பெற்றுக் கொள்ளலாம் என மாவட்ட ஆட்சியர் கார்த்திகேயன் தெரிவித்துள்ளார்.