ஹஜ் புனித யாத்திரை செல்பவர்களுக்கு மருத்துவ பரிசோதனை முகாம் : ஆட்சியர் தகவல்

ஹஜ் புனித யாத்திரை செல்பவர்களுக்கு மருத்துவ பரிசோதனை மற்றும் தடுப்பூசி முகாம் நடைபெறவுள்ளது என மாவட்ட ஆட்சியர் இரா.சுகுமார் தெரிவித்துள்ளார்.

திருநெல்வேலி மாவட்டத்தில் மொத்தம் 229 நபர்கள் ஹஜ் புனித யாத்திரை செல்ல இருப்பதால் அவர்களுக்கான கியூ.எம்.எம்.வி.தடுப்பூசிகள் QMMV – Quadrivalent Meningococcal Meningitis Vaccine (QMMV) மற்றும் எஸ்.ஐ.வி தடுப்பூசிகள் (Seasonal Influenza Vaccine) 29.04.2025 மற்றும் 30.04.2025-ல் திருநெல்வேலி மருத்துவ கல்லூரிக்கு அருகே அமைந்துள்ள M.O.C வளாகத்தில் வைத்து காலை 9 மணி முதல் நடைபெற உள்ளது. 

இம்முகாமில் ஹஜ் புனித யாத்திரை செல்வோர் கலந்து கொண்டு மருத்துவ பரிசோதனை செய்து தடுப்பூசிகள் போட்டுக் கொள்ளுமாறு மாவட்ட ஆட்சியர் மரு.இரா.சுகுமார், தெரிவித்துள்ளார்.