தொகுதி மக்களுக்காக முழுவீச்சில் பணியாற்றினேன் : விளாத்திகுளத்தில் மார்கண்டயேன் வாக்குசேகரிப்பு!

» செய்திகள் - விளையாட்டு » மாவட்ட செய்தி (திருநெல்வேலி)

தொகுதி மக்களுக்காக முழுவீச்சில் பணியாற்றினேன் : விளாத்திகுளத்தில் மார்கண்டயேன் வாக்குசேகரிப்பு!

வியாழன் 16, ஏப்ரல் 2026 3:44:27 PM (IST)

"கடந்த ஐந்து ஆண்டுகளில் மாநில அரசின் அனைத்து நலத்திட்டங்களையும் தொகுதி மக்களுக்கு முழுமையாகக் கொண்டு சேர்த்துள்ளேன்” என விளாத்திகுளம் தொகுதி திமுக வேட்பாளர் மார்க்கண்டேயன் தெரிவித்தார்.

தூத்துக்குடி மாவட்டம் விளாத்திகுளம் சட்டமன்றத் தொகுதியில், மதச்சார்பற்ற முற்போக்குக் கூட்டணி சார்பில் போட்டியிடும் திமுக வேட்பாளரும், தற்போதைய சட்டப்பேரவை உறுப்பினருமான மார்க்கண்டேயன், இன்று பல்வேறு கிராமங்களில் தீவிர வாக்கு சேகரிப்பில் ஈடுபட்டார்.

பனையடிபட்டி, அயன் பொம்மையாபுரம், கந்தசாமிபுரம், ஆற்றங்கரை, ஓயம்பட்டி, தொப்பம்பட்டி, சொக்கலிங்கபுரம், என். வேடப்பட்டி, அச்சங்குளம், அயன்வடமலாபுரம், தாப்பாத்தி, கைலாசபுரம், அயன்ராஜாபட்டி உள்ளிட்ட பகுதிகளில் ‘உதயசூரியன்’ சின்னத்திற்கு ஆதரவு கோரி அவர் பிரச்சாரம் செய்தார்.

வாக்கு சேகரிப்பின் போது மார்க்கண்டேயன் பேசியதாவது: "கடந்த ஐந்து ஆண்டுக்கால ஆட்சியில், தமிழக அரசின் திட்டங்கள் ஒவ்வொன்றையும் உங்கள் இல்லம் தேடி வர முழு வீச்சில் பணியாற்றியுள்ளேன். குறிப்பாக, விளாத்திகுளம் பேருந்து நிலையத்திலிருந்து பல்வேறு கிராமங்களுக்குப் புதிய 'மகளிர் விடியல் பேருந்துகளை' இயக்கி சாதனை படைத்துள்ளோம்.

தொகுதியில் உள்ள பெரும்பாலான பெண்களுக்கு மகளிர் உரிமைத் தொகையைப் பெற்றுத் தந்துள்ளேன். ஒரு சில விடுபட்ட மக்களுக்கும், திமுக மீண்டும் ஆட்சிக்கு வந்தவுடன் அனைத்துப் பெண்களுக்கும் மகளிர் உரிமைத் தொகை 2,000 ரூபாய் தடையின்றி கிடைக்க உரிய நடவடிக்கை எடுப்பேன்" என்றார்.

இந்நிகழ்வில் திமுக ஒன்றியச் செயலாளர் ராமசுப்பு, விடுதலைச் சிறுத்தைகள் கட்சி மாவட்டச் செயலாளர் சடையாண்டி, முன்னாள் கவுன்சிலர் நடராஜன் மற்றும் கூட்டணிக் கட்சிகளின் முக்கிய நிர்வாகிகள், தொண்டர்கள் திரளாகக் கலந்துகொண்டனர்.

மக்கள் கருத்து

நல்லApr 16, 2026 - 10:09:06 PM | Posted IP 104.2*****

தலைவர். நமக்கான தலைவர்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தொகுதி மக்களுக்காக முழுவீச்சில் பணியாற்றினேன் : விளாத்திகுளத்தில் மார்கண்டயேன் வாக்குசேகரிப்பு!

» செய்திகள் - விளையாட்டு » மாவட்ட செய்தி (திருநெல்வேலி)