தூத்துக்குடியில் அஜித்தின் குட்பேட் அக்லி ரிலீஸ் : ரசிகர்கள் உற்சாகம்

தூத்துக்குடியில் இன்று ரிலீசான நடிகர் அஜித்குமாரின் குட்பேட் அக்லி திரைப்படத்தை அமைச்சர் கீதாஜீவன் கண்டு ரசித்தார். 

இதைத்தொடர்ந்து காலையிலேயே திரையரங்குகள் முன்பு அஜித் ரசிகர்கள் குவிய தொடங்கினர் அஜித் ரசிகர்களின் கூட்டம் திரையரங்குகளில் அலைமோதியது தூத்துக்குடியில் பாலகிருஷ்ணா,  கிளியோபட்ரா பெரிசன் பிளாசா, கே எஸ் பி எஸ் கணபதி திரையரங்கம் உள்ளிட்ட 4 திரையரங்கில் திரைப்படம் வெளியாகி உள்ளது 

தூத்துக்குடியில் கிளியோபாட்ரா திரையரங்கம் முன்பு அஜித் ரசிகர்கள் ஏற்பாடு செய்திருந்தனர்.  திரைப்படத்தை காண தமிழக சமூக நலன் மற்றும் மகளிர் உரிமைத்துறை அமைச்சர் கீதா ஜீவன் வருகை தந்தார். அப்போது அஜித் ரசிகர்கள் மேளதாளம் முழங்க பட்டாசு வெடித்து உற்சாக வரவேற்பு அளித்தனர். இப்போது தூத்துக்குடி மாவட்ட தலைமை அஜித் ரசிகர் மன்ற தலைவர் தீனா சம்பத் மாவட்ட பொருளாளர் சந்தன ராஜ்  ஆகியோர் மாலை அணிவித்து உற்சாக வரவேற்பு அளித்தனர். 

பின்னர் அஜித் ரசிகர்கள் ஏற்பாடு செய்திருந்த பிரம்மாண்டமான கேக்கை வெட்டி ரசிகர்களுடன் உற்சாகமாக கொண்டாடினார். பின்னர் ரசிகர்களுடன் அமர்ந்து திரைப்படத்தை பார்த்து ரசித்தார். அமைச்சருடன் தூத்துக்குடி மாவட்ட தலைமை அஜித் ரசிகர் மன்ற தலைவர் தீனா சம்பத் மாவட்ட பொருளாளர் சந்தன ராஜ், திமுக மாவட்ட பிரதிநிதி தெர்மல் சக்திவேல் உட்பட பலர் கலந்து கொண்டனர்.