கும்பிகுளம் கிராமத்தில் மக்கள் தொடர்பு முகாம்: ஆட்சியர் இரா.சுகுமார் தகவல்

கும்பிகுளம் கிராமத்தில் நடைபெறவுள்ள மக்கள் தொடர்பு முகாமினை முன்னிட்டு ஏப்.23ம் தேதி சீலாத்திக்குளம் –கிராம சேவை மைய கட்டிடத்தில் மனுக்கள் பெறப்படவுள்ளது என மாவட்ட ஆட்சியர் இரா.சுகுமார் தெரிவித்துள்ளார். 

திருநெல்வேலி மாவட்டம், இராதாபுரம் வட்டம், கும்பிகுளம் கிராமத்தில் மாவட்ட ஆட்சியர் அவர்களின் மக்கள் தொடர்பு முகாம் 22.05.2025 அன்று நடைபெற உள்ளது. எனவே, அதற்கு முன்னோடியாக 23.04.2025 அன்று கும்பிகுளம் கிராமம், சீலாத்திக்குளம்-கிராம சேவை மைய கட்டிடத்தில் வைத்து காலை 10.00 மணி முதல் 01.00 மணி வரை மனுக்கள் பெறப்பட உள்ளன. 

மேற்படி முகாமில் சார் ஆட்சியர், சேரன்மகாதேவி, தனித்துணை ஆட்சியர் (ச.பா.தி), மாவட்ட ஆதிதிராவிடர் மற்றும் பழங்குடியினர் நல அலுவலர் மற்றும் மாவட்ட பிற்படுத்தப்பட்டோர் நல அலுவலர் ஆகியோர் கொண்ட குழுவினரால் மனுக்கள் பெறப்படும். முகாம் நிறைவுற்றவுடன் அன்று பிற்பகல் அக்கிராமத்தில் மக்களுக்கு தேவையான அடிப்படை வசதிகள் குறித்தும், மேற்படி குழுவினரால் ஆய்வு மேற்கொள்ளப்படுகிறது. எனவே, மேற்படி ஆய்வுக் குழுவிற்கு பொதுமக்கள் முழு ஒத்துழைப்பு நல்குமாறு மாவட்ட ஆட்சியர் மரு.இரா.சுகுமார், கேட்டுக் கொண்டுள்ளார்.