தேர்வினைக் கொண்டாடுவோம் சிறப்பு பயிலரங்கம் : நடிகர் தாமு பங்கேற்பு

தென்காசி மாவட்டம் சங்கரன் கோவிலில் அரசுப்பள்ளி மாணவ மாணவியருக்கு தேர்வு பயம் நீக்கும் சிறப்பு பயிலரங்கம் நடைபெற்றது.

சிறப்பு விருந்தினராக மாணவர் பயிற்சியாளர் நடிகர் தாமு உரையாற்றினார். இரண்டரை மணி நேரம் நடைபெற்ற இப்பயிலரங்கத்தில் 12ம் வகுப்பில் (2024-2025 கல்வி ஆண்டில்) அதிக மதிப்பெண்கள் பெற்ற மாணவ மாணவிகளுக்கு பரிசளிப்பு விழாவும் நடைபெற்றது.கிட்டத்தட்ட 1000க்கும் மேற்பட்ட அரசுப்பள்ளி மாணவர்கள் பங்கு பெற்றனர். 

சிறப்பு பயிலரங்கு ஏற்பாட்டினை சங்கரன் கோவில் சட்டமன்ற உறுப்பினர் ராஜா ஏற்பாடு செய்திருந்தார். அரசுப்பள்ளி ஆசிரியர் சங்கர்ராம் தொகுத்து வழங்கினார். கோமதி அம்பாள் அரசு ஆண்கள் மேல்நிலைப்பள்ளி தலைமை ஆசிரியர் (பொறுப்பு) செந்தில்குமார், அரசு பெண்கள் மேல்நிலைப்பள்ளி தலைமை ஆசிரியை கீதாவேணி மேலும் மாவட்ட முதன்மை கல்வி அதிகாரி ரெஜினா வாழ்த்துரை வழங்கினார். மாணவர்களுக்கு மதிய உணவு வழங்கப்பட்டது.சிறப்பு ஊர்திகள் மூலம் மாணவ மாணவிகள் மூலம் மீண்டும் பள்ளிக்கு பாதுகாப்பாக அனுப்பி வைக்கப்பட்டனர்.