வ.உ.சி கல்லூரியில் போதைப்பொருள் விழிப்புணர்வு நிகழ்ச்சி: மேயர் ஜெகன் பெரியசாமி தொடங்கி வைத்தார்!

தூத்துக்குடி வ.உ.சி கல்லூரியில் போதைப்பொருள் விழிப்புணர்வு நிகழச்சியை மேயர் ஜெகன் பெரியசாமி தொடங்கி வைத்தார்.

தூத்துக்குடி பாளையங்கோட்டை சாலையில் அமைந்துள்ள வ.உ.சி கல்லூரியில் 'மை பாரத்' தூத்துக்குடி கிளையின் சார்பாக, போதைப் பொருளற்ற மற்றும் வளர்ந்த இந்தியாவை உருவாக்கும் நோக்கில் விழிப்புணர்வு நிகழ்வு நடைபெற்றது. இந்நிகழ்வை தூத்துக்குடி மாநகராட்சி மேயர் ஜெகன் பெரியசாமி குத்துவிளக்கேற்றித் தொடங்கி வைத்தார்.

நிகழ்ச்சியில் சிறப்புரையாற்றிய மேயர் ஜெகன் பெரியசாமி, போதைப்பழக்கத்திற்கு எதிராக மாணவ-மாணவியருடன் சேர்ந்து உறுதிமொழி ஏற்றுக்கொண்டார். இந்நிகழ்வில் வ.உ.சி கல்லூரியின் பொறுப்பு முதல்வர் வள்ளியம்மாள், சுயநிதிப் பிரிவு இயக்குநர் ஜான் பிரின்ஸ் சௌந்தரநாயகம், மை பாரத் மாவட்ட இளைஞர் நல அலுவலர் ஞானசந்திரன், நாட்டு நலப்பணித் திட்ட அலுவலர் ஆரோக்கிய செல்வ சுந்தரி, கல்லூரிப் பேராசிரியர்கள் மற்றும் திரளான மாணவ-மாணவிகள் கலந்துகொண்டனர்.