» சினிமா » செய்திகள்
பிக் பாஸ் 8 அக்டோபர் 6ல் தொடங்கும் : விஜய் டிவி அதிகாரப்பூர்வ அறிவிப்பு!
செவ்வாய் 24, செப்டம்பர் 2024 12:18:34 PM (IST)
பிக் பாஸ் 8 நிகழ்ச்சி வரும் அக்டோபர் 6 ஆம் தேதி தொடங்கவுள்ளதாக விஜய் டிவி அதிகாரப்பூர்வ அறிவிப்பு வெளியிட்டுள்ளது.
விஜய் தொலைக்காட்சியில் ஆண்டுதோறும் ஒளிபரப்பாகும் பிக்பாஸ் நிகழ்ச்சியை ஏராளமான ரசிகர்கள் பார்க்கின்றனர். கடந்த 7 சீசன்களாக இந்நிகழ்ச்சியை நடிகர் கமல்ஹாசன் தொகுத்து வழங்கி வந்தார். ஆனால், சில மாதங்களுக்கு முன் பிக் பாஸ் - 8 நிகழ்ச்சியை தொகுத்து வழங்கப்போவதில்லை என அவர் அறிவித்ததைத் தொடர்ந்து, நடிகர் விஜய் சேதுபதி தொகுத்து வழங்கவுள்ளதாக அதிகாரப்பூர்வ அறிவிக்கப்பட்டது.
சில நாள்களுக்கு முன்பு, இதுவரை எந்த சீசன்களில் இல்லாத வகையில் பிக் பாஸ் - 8 நிகழ்ச்சியின் முன்னோட்டக் காட்சியை(ப்ரோமோ) மக்கள் மத்தியில் வெளியிடப்பட்டது. இந்த நிலையில், பிக் பாஸ் - 8 நிகழ்ச்சி வரும் அக்டோபர் 6 ஆம் தேதி மாலை 6 மணிக்கு தொடங்கவுள்ளதாக தொலைக்காட்சி தரப்பில் இருந்து அதிகாரப்பூர்வ அறிவிப்பு வெளியாகியுள்ளது.
பிக் பாஸ் நிகழ்ச்சிக்கு வரும் போட்டியாளர்கள் வெளிஉலக தொடர்பு இல்லாமல் 100 நாள்களுக்கு உள்ளே தங்கியிருந்து, அவர்களின் தனிப்பட்ட குணங்களை வெளிப்படுத்துவதுதான் இந்நிகழ்ச்சியின் முக்கிய அம்சமாகும்.இந்த புதிய சீசனில் பங்கேற்கவுள்ள போட்டியாளர்கள் குறித்த தகவல் இணையத்திலும் பரவி வருகிறது.
பாரதி கண்ணம்மா தொடர் மூலம் பிரபலமான நடிகர் அருண், நடிகரும் இயக்குநருமான பார்த்திபன், குக் வித் கோமாளி நடுவர் மாதம்பட்டி ரங்கராஜ், மகாராஜா படத்தில் விஜய் சேதுபதிக்கு மகளாக நடித்த சஞ்சனா பிக் பாஸ் நிகழ்ச்சியில் பங்கேற்கவுள்ளதாகத் தகவல் வெளியாகியுள்ளது. இருந்தாலும், பிக் பாஸ் - 8 நிகழ்ச்சியின் தொடக்க நிகழ்ச்சியின் அக்டோபர் 6 ஆம் தேதியே அதிகாரப்பூர்வ தகவல் தெரியவரும்.
மக்கள் கருத்து
மேலும் தொடரும் செய்திகள்
ஆடுஜீவிதம் படத்துக்காக ரகுமானுக்கு ஹாலிவுட் விருது!
சனி 23, நவம்பர் 2024 12:29:56 PM (IST)
இந்தியாவின் மிகவும் பிரபலமான நடிகர் பிரபாஸ்: இரண்டாவது இடத்தில் விஜய்!
சனி 23, நவம்பர் 2024 11:32:34 AM (IST)
போயஸ் கார்டனில் ரஜினியுடன் சீமான் திடீர் சந்திப்பு
வெள்ளி 22, நவம்பர் 2024 12:11:38 PM (IST)
விவாகரத்து பெறுவதில் உறுதி: தனுஷ் - ஐஸ்வர்யா நீதிமன்றத்தில் தகவல்!
வியாழன் 21, நவம்பர் 2024 5:33:09 PM (IST)
திரையரங்கு வளாகங்களில் பப்ளிக் ரெவியுக்கு தடை விதிக்க வேண்டும்: தயாரிப்பாளர்கள் சங்கம்
புதன் 20, நவம்பர் 2024 4:44:34 PM (IST)
விஜய் 69’ படத்தில் நடிக்கவில்லை: சிவராஜ் குமார் தகவல்
செவ்வாய் 19, நவம்பர் 2024 5:44:07 PM (IST)
நடிகர் தனுஷ் மீது நயன்தாரா பரபரப்பு குற்றச்சாட்டு!
சனி 16, நவம்பர் 2024 12:49:27 PM (IST)
