கூடைப்பந்து வீராங்கனை விஷம் குடித்து தற்கொலை: போட்டியில் தோல்வி அடைந்ததால் பரிதாபம்!

» செய்திகள் - விளையாட்டு » மாவட்ட செய்தி (திருநெல்வேலி)

கூடைப்பந்து வீராங்கனை விஷம் குடித்து தற்கொலை: போட்டியில் தோல்வி அடைந்ததால் பரிதாபம்!

வியாழன் 14, நவம்பர் 2024 7:58:22 PM (IST)

சங்கரன்கோவில் அருகே போட்டியில் தோல்வி அடைந்ததால் கூடைப்பந்து வீராங்கனை விஷம் குடித்து தற்கொலை செய்து கொண்டார்.

தென்காசி மாவட்டம் சங்கரன்கோவில் அருகே உள்ள திருவேங்கடம் பகுதியைச் சேர்ந்தவர் கருப்பசாமி. முன்னாள் ராணுவ வீரர். இவரது மகள் ரோஸ்லின் (21). இவர் விருதுநகர் மாவட்டம் சிவகாசியில் உள்ள ஒரு தனியார் கல்லூரியில் பி.காம். 2-ம் ஆண்டு படித்து வந்தார்.

கூடைப்பந்து போட்டியில் சிறந்து விளங்கியதால் கல்லூரி அணியில் இடம் பிடித்து இருந்தார். கடந்த சில நாட்களுக்கு முன் சென்னையில் விளையாட்டு போட்டிகள் நடைபெற்றது. இதில் ரோஸ்லின் தனது அணியோடு பங்கேற்றார். ஆனால் அவர் விளையாடிய அணி தோல்வி அடைந்ததால் அனைவரும் திரும்பி வந்தனர். அவரும் சொந்த ஊருக்கு திரும்பி வந்தார்.

போட்டியில் தோல்வி அடைந்ததால் ரோஸ்லின் மனமுடைந்து காணப்பட்டதாக கூறப்படுகிறது. நேற்று முன்தினம் இரவில் வீட்டில் பூச்செடிகளுக்கு அடிக்க பயன்படும் பூச்சிக்கொல்லி மருந்தை (விஷம்) குடித்து மயங்கினார்.

இதை அறிந்த குடும்பத்தினர் அவரை மீட்டு சிகிச்சைக்காக திருவேங்கடத்தில் உள்ள தனியார் ஆஸ்பத்திரிக்கு கொண்டு சென்றனர். அங்கு முதலுதவி சிகிச்சை அளிக்கப்பட்டு, மேல் சிகிச்சைக்காக சங்கரன்கோவில் அரசு ஆஸ்பத்திரிக்கு கொண்டு சென்றனர்.

அங்கு தீவிர சிகிச்சை அளித்தும் பலனின்றி ரோஸ்லின் பரிதாபமாக இறந்தார்.இதுகுறித்து திருவேங்கடம் போலீசார் வழக்குப்பதிவு செய்து தீவிர விசாரணை நடத்தி வருகிறார்கள். சங்கரன்கோவில் அருகே போட்டியில் தோல்வி அடைந்ததால் கூடைப்பந்து வீராங்கனை தற்கொலை செய்து கொண்ட சம்பவம் பெரும் சோகத்தை ஏற்படுத்தி உள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கூடைப்பந்து வீராங்கனை விஷம் குடித்து தற்கொலை: போட்டியில் தோல்வி அடைந்ததால் பரிதாபம்!

» செய்திகள் - விளையாட்டு » மாவட்ட செய்தி (திருநெல்வேலி)