» செய்திகள் - விளையாட்டு » விளையாட்டு
டேவிஸ் கோப்பை டென்னிஸ்: நெதர்லாந்தை வீழ்த்தி இத்தாலி சாம்பியன்!
திங்கள் 25, நவம்பர் 2024 11:04:55 AM (IST)

டேவிஸ் கோப்பை டென்னிஸ் தொடரின் இறுதிப்போட்டியில் இத்தாலி அணி 2-0 என்ற கணக்கில் நெதர்லாந்தை வீழ்த்தி சாம்பியன் பட்டத்தை கைப்பற்றியது.
ஆண்கள் அணிகளுக்கான டேவிஸ் கோப்பை டென்னிஸ் தொடரின் இறுதிப்போட்டி நேற்று நடைபெற்றது. இதில் நடப்பு சாம்பியன் இத்தாலி - நெதர்லாந்து அணிகள் மோதின. இந்த போட்டியின் முதல் ஆட்டத்தில் , இத்தாலியின் மேட்டியோ பெரெட்டினி 6-4, 6-2 என்ற செட்களில் நெதர்லாந்தின் வான் டெ ஜாண்ட்ஷுல்பினை வீழ்த்தினார். இவர் காலிறுதியில் ரபேல் நடாலை வீழ்த்தியிருந்தது குறிப்பிடத்தக்கது.
மற்றுமொரு ஆட்டத்தில் உலகின் நம்பர் 1 வீரரான ஜன்னிக் சின்னெர் நெதர்லாந்தின் டாலோன் கிரீஸ்பூக்கரை 7-6(2), 6-2 என்ற செட்களில் தோற்கடித்தார். இதன் மூலம் இத்தாலி அணி 2-0 என்ற கணக்கில் நெதர்லாந்தை வீழ்த்தி சாம்பியன் பட்டத்தை கைப்பற்றியது.
கடந்த 104 ஆண்டுகளாக முயன்று வரும் நெதர்லாந்து இந்தக் கட்டத்துக்கு வந்தது இதுவே முதல் முறையாகும். கடந்த 11 ஆண்டுகளில் இத்தாலி அடுத்தடுத்து டேவிஸ் கோப்பையை வென்ற முதல் அணியாக உருவெடுத்துள்ளது. இதுவரை மொத்தம் 3 முறை (1976, 2023, 2024) இத்தாலி அணி கோப்பையை வென்றுள்ளது குறிப்பிடத்தக்கது. சமீபத்தில் மகளிர் அணிகளுக்கான பில்லி ஜீன் கிங் கோப்பை போட்டியில் இத்தாலி சாம்பியனாகியிருந்ததும் நினைவு கூரத்தக்கது.
மக்கள் கருத்து
மேலும் தொடரும் செய்திகள்

சாய் சுதர்சன், பட்லர் அசத்தல் : ஆர்சிபியை வீழத்திய குஜராத்!
வியாழன் 3, ஏப்ரல் 2025 11:42:37 AM (IST)

தோனியால் தொடர்ந்து 10 ஓவர்கள் நின்று பேட்டிங் செய்வது முடியாது: பிளெமிங் விளக்கம்
செவ்வாய் 1, ஏப்ரல் 2025 12:01:44 PM (IST)

அறிமுகப் போட்டியில் அசத்திய இளம் வீரர் அஸ்வனி குமார்: கொல்கத்தாவை வீழ்த்தியது மும்பை!
செவ்வாய் 1, ஏப்ரல் 2025 10:28:08 AM (IST)

பிரசித் கிருஷ்ணா, ஷுப்மன் கில் - சாய் சுதர்சன் அசத்தல் : மும்பை அணியை வீழ்த்தியது குஜராத்!
ஞாயிறு 30, மார்ச் 2025 11:42:44 AM (IST)

ராம நவமி: ஐபிஎல் அட்டவணையில் திடீர் மாற்றம்
சனி 29, மார்ச் 2025 10:40:38 AM (IST)

சென்னை சூப்பர் கிங்ஸ் அணியை வீழ்த்திய ஆர்சிபி: 17 வருடங்களுக்குப் பிறகு சேப்பாக்கத்தில் வெற்றி!
சனி 29, மார்ச் 2025 10:32:03 AM (IST)
