» செய்திகள் - விளையாட்டு » விளையாட்டு
ஹர்திக், சிவம் துபே அதிரடி: இங்கிலாந்தை வீழ்த்தி டி20 தொடரை வென்றது இந்தியா!
சனி 1, பிப்ரவரி 2025 11:14:53 AM (IST)

இங்கிலாந்து அணிக்கு எதிரான 4வது டி-20 போட்டியில் இந்திய அணி வெற்றி பெற்று தொடரையும் கைப்பற்றியது.
இந்தியா-இங்கிலாந்து இடையேயான 4வது போட்டி புனே எம்சிஏ கிரிக்கெட் மைதானத்தில் நேற்று நடந்தது. டாஸ் வென்ற இங்கிலாந்து அணி பந்து வீச்சை தேர்வு செய்தது. இந்திய அணி சார்பில் தொடக்க வீரராக களமிறங்கிய சஞ்சு சாம்சன் ஒரு ரன்னிலும், திலக் வர்மா மற்றும் கேப்டன் சூர்யகுமார் யாதவ் ரன் எதுவும் எடுக்காமலும், அபிஷேக் சர்மா 29 ரன், ரிங்கு சிங் 30 ரன் எடுத்து அடுத்தடுத்து ஆட்டமிழந்து பெவிலியன் திரும்பினர்.
அடுத்து வந்த ஹர்திக் பாண்டியா, சிவம் துபே ஜோடி அதிரடியாக ரன்களை குவித்து அரை சதத்தை கடந்தனர். ஹர்திக் பாண்டியா 53 ரன் (30 பந்து, 4 பவுண்டரி, 4 சிக்சர்), சிவம் துபே 53 ரன் (34 பந்து, 7 பவுண்டரி, 2 சிக்சர்) விளாசி ஆட்டமிழந்தனர். 20 ஓவர் முடிவில் இந்தியா 9 விக்கெட் இழப்புக்கு 181 ரன் குவித்தது. இங்கிலாந்து பந்து வீச்சில் சாகிப் மஹ்மூத் 3, ஆதில் ரஷ்த் மற்றும் ஆர்ச்சர் தலா 2 விக்கெட் எடுத்தனர்.
182 ரன் என்ற இலக்குடன் விளையாடிய இங்கிலாந்து அணி 20 ஓவர் முடிவில் 10 விக்கெட்டுகளையும் இழந்து 166 எடுத்து 15 ரன் வித்தியாசத்தில் தோல்வியடைந்தது. அதிகபட்சமாக புரூக் 59 ரன், பென் டக்கட் 39 ரன் எடுத்தனர். இந்திய பந்து வீச்சில் ரவி பிஷ்னாய் 3, ஹர்ஷித் ரானா, வரும் சக்கரவர்த்தி தலா 2 விக்கெட் வீழ்த்தினர். இந்த வெற்றி மூலம் 5 போட்டிகள் கொண்ட தொடரை இந்தியா வென்று 3-1 என்ற புள்ளி கணக்கில் முன்னிலை வகிக்கிறது.
மக்கள் கருத்து
மேலும் தொடரும் செய்திகள்

சாய் சுதர்சன், பட்லர் அசத்தல் : ஆர்சிபியை வீழத்திய குஜராத்!
வியாழன் 3, ஏப்ரல் 2025 11:42:37 AM (IST)

தோனியால் தொடர்ந்து 10 ஓவர்கள் நின்று பேட்டிங் செய்வது முடியாது: பிளெமிங் விளக்கம்
செவ்வாய் 1, ஏப்ரல் 2025 12:01:44 PM (IST)

அறிமுகப் போட்டியில் அசத்திய இளம் வீரர் அஸ்வனி குமார்: கொல்கத்தாவை வீழ்த்தியது மும்பை!
செவ்வாய் 1, ஏப்ரல் 2025 10:28:08 AM (IST)

பிரசித் கிருஷ்ணா, ஷுப்மன் கில் - சாய் சுதர்சன் அசத்தல் : மும்பை அணியை வீழ்த்தியது குஜராத்!
ஞாயிறு 30, மார்ச் 2025 11:42:44 AM (IST)

ராம நவமி: ஐபிஎல் அட்டவணையில் திடீர் மாற்றம்
சனி 29, மார்ச் 2025 10:40:38 AM (IST)

சென்னை சூப்பர் கிங்ஸ் அணியை வீழ்த்திய ஆர்சிபி: 17 வருடங்களுக்குப் பிறகு சேப்பாக்கத்தில் வெற்றி!
சனி 29, மார்ச் 2025 10:32:03 AM (IST)
