குறுவட்ட சதுரங்க போட்டி ஆக்ஸ்போர்டு பள்ளி வெற்றி

தென்காசி குறுவட்ட அளவிலான சதுரங்க போட்டியில் தென்காசி குத்துக்கல்வலசை ஆக்ஸ்போர்டு மெட்ரிக் மேல்நிலைப் பள்ளி  வெற்றி பெற்றது.

தென்காசி குறுவட்ட அளவிலான சதுரங்க விளையாட்டுப் போட்டிகள் பள்ளிக்கல்வித்துறை சார்பில் தென்காசி ஆர்.சி.வீரமாமுனிவர் மேல்நிலைப் பள்ளியில் வைத்து நடைபெற்றது. இப்போட்டியில் 17 வயதிற்குட்பட்ட மாணவர்கள் பிரிவில் தென்காசி குத்துக்கல்வலசை ஆக்ஸ்போர்டு மெட்ரிக் மேல்நிலைப் பள்ளி மாணவர் சுரேந்தர் முதலிடம் பெற்றார். மாணவிகள் பிரிவில் இப்பள்ளி மாணவி மஞ்சு இரண்டாமிடம் பெற்றார்.  இவர்கள் மாவட்ட அளவிலான சதுரங்க விளையாட்டுப் போட்டிகளில் கலந்து கொள்ள தகுதி பெற்றனர்.

வெற்றி பெற்ற மாணவிகளை ஆக்ஸ்போர்டு கல்வி குழும சட்ட ஆலோசகரும் உச்சநீதிமன்ற வழக்கறிஞருமான கே.திருமலை, பள்ளி தாளாளரும் முதல்வருமான அன்பரசி திருமலை, ஆக்ஸ்போர்டு பப்ளிக் பள்ளி சட்ட ஆலோசகரும் உச்சநீதிமன்ற வழக்கறிஞருமான தி.மிராக்ளின் பால் சுசி, பள்ளி தலைமையாசிரியை குழந்தை தெரசா, உதவி தலைமையாசிரியை முனைவர் சுப்பம்மாள் மற்றும் ஆசிரிய, ஆசிரியைகள், பெற்றோர்கள் பாராட்டினர்.