கொதிக்கும் எண்ணெயை ஊற்றி கணவரை கொன்ற பெண்: நெல்லை அருகே பயங்கரம்

» செய்திகள் - விளையாட்டு » மாவட்ட செய்தி (திருநெல்வேலி)

கொதிக்கும் எண்ணெயை ஊற்றி கணவரை கொன்ற பெண்: நெல்லை அருகே பயங்கரம்

புதன் 25, செப்டம்பர் 2024 8:47:49 AM (IST)

நெல்லை அருகே கொதிக்கும் எண்ணெய் ஊற்றி கணவரை கொலை செய்த பெண்ணை போலீசார் கைது செய்தனர்.

நெல்லை பாளையங்கோட்டை அருகே உள்ள பர்கிட் மாநகரை சேர்ந்தவர் தங்கவேல் மகன் சிவன் பெருமாள் (40), கூலித்தொழிலாளி. இவருடைய மனைவி கலைச்செல்வி (34). இவர்களுக்கு இலக்கியன் (8), ஆதி (6) ஆகிய 2 மகன்கள் உள்ளனர். கணவன்-மனைவி இடையே அடிக்கடி தகராறு ஏற்பட்டு வந்தது.

கடந்த 22-ந்தேதி கணவன்-மனைவி இடையே மீண்டும் தகராறு ஏற்பட்டது. அப்போது அடுப்பில் கொதித்து கொண்டிருந்த எண்ணெய் சிவன் பெருமாள் மீது விழுந்ததாக பலத்த காயத்துடன் அவர் பாளையங்கோட்டை ஐகிரவுண்டு அரசு ஆஸ்பத்திரியில் சேர்க்கப்பட்டார். அங்கு தீவிர சிகிச்சை அளித்தும் பலன் அளிக்காமல் நேற்று முன்தினம் அவர் பரிதாபமாக உயிரிழந்தார்.

இதுகுறித்து பாளையங்கோட்டை தாலுகா போலீசார் விசாரணை நடத்தினார்கள். இதற்கிடையே சிவன் பெருமாள் சாவில் மர்மம் இருப்பதாக அவருடைய தாய் பேச்சியம்மாள் (75) போலீசில் புகார் அளித்தார். அதன் பேரில் இன்ஸ்பெக்டர் ராஜகுமாரி தலைமையில் போலீசார் விசாரணையை தீவிரப்படுத்தினார்கள்.

இதில் கணவன்-மனைவி இடையே தகராறு ஏற்பட்டபோது கலைச்செல்வி அடுப்பில் கொதிக்கும் எண்ணெயை எடுத்து சிவன் பெருமாள் மீது ஊற்றியது தெரியவந்தது. இதையடுத்து போலீசார் கொலை வழக்காக பதிவு செய்து கலைச்செல்வியை கைது செய்தனர். தொடர்ந்து அவரிடம் விசாரணை நடத்தி வருகிறார்கள். இந்த சம்பவம் அப்பகுதியில் பரபரப்பை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கொதிக்கும் எண்ணெயை ஊற்றி கணவரை கொன்ற பெண்: நெல்லை அருகே பயங்கரம்

» செய்திகள் - விளையாட்டு » மாவட்ட செய்தி (திருநெல்வேலி)